Haradinaj flet me Mogherinin
për reformat europiane të Kosovës

Kryeministri i Kosovës, Ramush Haradinaj, u takua në Bruksel me Përfaqësuesen e lartë të BE’së për politika të jashtme dhe siguri, Federica Mogherini.

Kreu I ekzekutivit në kosovë informoi se me mogherinin pati një takim para mbledhjes së dytë të Këshillit të Stabilizim Asociimit, ndërsa konfirmoi në rrjetin social facebook se me të bisedoi për perspektivën dhe rrugën evropiane të Kosovës.

Në njoftimin e bërë public në profiling e tij, haradinaj thotë se me dinamikën e re të qeverisjes është përshpejtuar edhe procesi i përmbushjes së Agjendës së Reformave Evropiane dhe të kritereve të përcaktuara me Marrëveshjen e Stabilizim Asociimit.

"Kosova është e përkushtuar për rrugën e saj për anëtarësim në Bashkimin Evropian" tha Ramush Haradinaj.

Redaksia Online
Xh.F/Shqiptarja.com