Haradinaj sulmon sërish Ramën përmes këshilltarit: Fotos me Kurtin dhe Depardie i mungon miku i Millosheviçit

Haradinaj sulmon sërish Ramën përmes këshilltarit: Fotos me Kurtin dhe Depardie i mungon miku i Millosheviçit

Ramush Haradinaj ende nuk ka reaguar vetë për deklaratën e Edi Ramës, i cili u shpreh të enjten në mbrëmje se do ta hedhë në gjyq, por brenda ditës së sotme i është përgjigjur përmes dy këshilltarëve.

Fillimisht ishte Meliza Haradinaj, që tregoi sipas saj prapaskenat e Samitit të Berlinit, ndërsa në mbrëmje ishte Halil Matoshi, këshilltar i kryeministrit në largim të Kosovës, Ramush Haradinaj, që publikoi fotografinë e Albin Kurtit me kryeministrin Rama dhe aktorin francez, Gerard Depardieu.

Matoshi thotë se fotografisë së Kurtit, Ramës dhe Depardieut, që e cilëson si mikun e Vladimir Putinit i mungonte edhe adhuruesi i Sllobodan Millosheviqit, austriaku Peter Handke, i cili mori çmimin Nobel për Letërsi. Halil Matoshi kritikon Ramën për deklaratat kundër Haradinajt. 

Rama tha të enjten në mbrëmje se do ta hedh në gjyq ish-kryeministrin e Kosovës, Ramush Haradinajn, pasi ky i fundit ishte shprehur se kishte ndaluar një plan të kryeministrit të Shqipërisë, në bashkëpunim me Presidentin e Serbisë dhe Hashim Thaçin, për ndarjen e Kosovës, madje ata kishin planifikuar për të grabitur 10 miliardë € fitime nga miniera e Trepçës.

Postimi i plotë i Halil Matoshit
Darka e gabueme

... dhe Albin Kurti

(Njerëz kontrovers në nji fotografi familjare)

Gerard Depardieu, njeriu që masi iku nga Atdheu i tij Franca, hatri i taksave, u gjet në përqafim të Presidentit autoritar rus Putin, u vlerësu se âsht nerë për Gjirokastrën me ia dhânë “Çelësin e qytetit”!?

Njisoj pati vepru Edvin Rama kur i pati dhânë “Çelësin...” e Tiranës, Goran Bregovićit, mikut të shovenistit serb Emir Kusturica, njiherit mik i “Kasapit të Ballkanit”, Milošević.

Porse, fitografia familjare e Edvinit dhe Albinit (Sic!?) me aktorin francez, nuk e plotëson mozaikun pa Peter Handken, mikun tjetër të Miloševićit!?

Rama âsht mirë me propozu dhânien e “Çelësit të Vlorës” - qytetit të Ismailqemal Vlorës, nobelistit austriak, derisa në anën tjetër, kërcënon dhe fyen Heroin e gjallë të Kosovës dhe homologun e tij kosovar, në detyrë, Ramush Haradinaj!???

Degradimi i vlerave morale që njihen si vlera të përbashkëta europiane, nuk ka të sosun në tokën e shqiponjave.

Pse i kafshohet shpirti Kosovës?

P.S.

Vlerat e përbashkëta i mbrojnë në Beograd Nataša Kandić dhe Čedomir Jovanović, ta zâmë, porse Rama dhe kryebashkuakët e qyteteve shqiptare nuk u kujtuen me i nerue ata!?

Postimi i Halil Matoshit

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • pjeter: 26/10/2019 22:56

    Halil Matoshi,ideatori i kombi hibrid kosovar.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Si Lulzim Basha u dënua nga gjykata për shpifje për rastin e Olsi Ramës

Si Lulzim Basha u dënua nga gjykata për shpifje për rastin e Olsi Ramës