Haradinaj takohet me ministrin
Demiraj, fokus siguria në rajon

Kandidati për kryeministër në Kosovë nga koalicioni PAN Ramush Haradinaj, ka pritur sot në zyrën e tij ministrin e Brendshëm Dritan Demiraj.

Nëprmjet një postimi në llogarinë e tij në facebook, Haradinaj tha se mes tyre është folur për sigurinë rajonale, si dhe ndihmën që mund të japë Shqipëria në antarësimin e Kosovës në strukturat rajonale dhe evropiane të sigurisë.

Postimi i Haradinajt në Facebook
Sot pata kënaqësinë ta pres në një takim Dritan Demirajn, një ushtarak i shkëlqyer, aktualisht Ministër i Brendshëm i Shqipërisë. Në një bisedë të hapur e miqësore, folëm për sigurinë rajonale, për detyrat e shteteve tona në lëmin e sigurisë, bashkëpunimin, si dhe ndihmesën që mund ta japë Shqipëria në anëtarësimin e Kosovës në strukturat rajonale dhe evropiane të sigurisë. U dakorduam se Kosova dhe Shqipëria sot janë faktorë stabiliteti në rajon dhe se përfshirja e Kosovës në strukturat rajonale-evropiane dhe ndërkombëtare të sigurisë, veç sa e forcon bashkëpunimin dhe është në funksion të stabilitetit.


  Postimi i Haradinajt në facebook

Redaksia Online
J.Sh Shqiptarja.com