Sulmi me armë në një shkollë të mesme në shtetin e Xhorxhias të mërkurën solli sërish në qendër të vëmendjes numrin e lartë të vrasjeve me armë në Shtetet e Bashkuara krahasuar me vendet e tjera të zhvilluara në botë, sipas ekspertëve të shëndetësisë. Nënpresidentja Kamala Harris kërkon ashpërsimin e ligjeve të armëmbajtjes. Ndërsa, siç njofton korrespondentja e Zërit të Amerikës, Veronica Balderas Iglesias, rivali i saj republikan Donald Trump, ka premtuar heqjen e kufizimeve për armëmbajtjen.
Sulmi me armë në shkollën e mesme në Winder të Xhorxhias të mërkurën la disa të vrarë dhe të plagosur. Nënpresidentja dhe kandidatja demokrate për presidente Kamala Harris reflektoi mbi incidentin gjatë një tubimi fushate në Nju Hempshër.
"Ne duhet t'i japim fund kësaj epidemie të dhunës me armë në vendin tonë njëherë e përgjithmonë. Këto incidente nuk duhet të ndodhin", tha ajo.
Dhuna me armë në Shtetet e Bashkuara mori një vëmendje të madhe në Kuvendin Kombëtar të Partisë Demokrate këtë vit.
Nënpresidentja Harris parashtroi përparësitë e saj për këtë çështje që në fillim të fushatës së saj.
"Ne do të miratojmë ligje për kontrollin e së kaluarës të blerësve të armëve dhe do të ndalojmë shitjen e armëve sulmuese", tha ajo.
Nënpresidentja Harris thotë se ajo kërkon marrjen e masave praktike për sigurinë e armëve dhe "jo ndalimin e armëmbajtjes”.
Presidentja e qendrës Brady për parandalimin e dhunës nga armët, Kris Brown, beson se zonja Harris do ta bëjë këtë.
“Kandidatja Harris ka qenë shumë e qartë se dhuna me armë, vrasësi numër një i fëmijëve amerikanë, është një problem që kërkon një qasje në shumë nivele për t’u zgjidhur. Ne kemi nevojë për një politikë më të mirë”, tha ajo.
Ish-presidenti Donald Trump reagoi ndaj sulmit me armë në Xhorxhia me një postim në platformën e tij në rrjetet sociale “Truth”. Ai shprehu mbështetjen e tij për viktimat dhe e quajti sulmuesin një "përbindësh të sëmurë dhe të çmendur".
Konservatorët shpesh mbrojnë të drejtën e armëmbajtjes, por Kuvendi Kombëtar i Partisë Republikane këtë vit nuk i dha përparësi kësaj çështjeje. Kuvendi Kombëtar i Republikanëve u zhvillua në korrik, vetëm dy ditë pas atentatit ndaj kandidatit të tyre presidencial Donald Trump. Kjo nuk e ndryshoi qëndrimin e tij për çështjen e armëmbajtjes.
“Nuk mund t’i heqim armët, sepse njerëzit kanë nevojë për mbrojtje”, tha ai.
Zoti Trump mbështeste të drejtën e armëmbajtjes kur ishte president dhe ka premtuar të heqë kufizimet e miratuara nga administrata e Presidentit Biden.VOA
Lajme të tjera
-
Shtyhet shpallja e aktgjykimit ndaj Trumpit pas zgjedhjeve
6 Shtator, 22:37 -
Dy muaj para zgjedhjeve presidenciale në SHBA
6 Shtator, 20:02 -
SHBA/ Thellohet kriza brenda Republikanëve, Liz Cheney thotë se do votojë për Kamala Harris! Demokratët hapin vende në qeveri për të ‘arratisurit’ nga Trump
6 Shtator, 15:27 -
Debati Trump-Harris dhe disa nga pyetjet kyçe rreth tij
6 Shtator, 14:15 -
'Komplotoi për të përmbysur rezultatin e zgjedhjeve', gjykata shqyrton vazhdimësinë e padisë ndaj ish-Presidentit Trump
5 Shtator, 19:28 -
Trump dhe Harris ofrojnë të ardhme të ndryshme për Ukrainën
5 Shtator, 15:36 -
FOTOLAJM/ Kamala Harris si komuniste, sulmi i Elon Musk me imazhin e prodhuar nga Inteligjenca Artificiale
5 Shtator, 13:54 -
Trump apo Harris? Putin zbulon se kush do të donte të fitonte zgjedhjet presidenciale në SHBA
5 Shtator, 11:30 -
VIDEO/ Autokolona e stafit të kandidatit për zv/president të SHBA dhe medias përfshihen në aksident! Ja si paraqitet gjendja e Walz, po shkonte për miting
3 Shtator, 14:06 -
Del në botim libri ‘Save America’ i Trump, po shitet ‘si karamelet’! Sarkazëm për armiqtë, lavde për Putin, Xi Jinping dhe Kim Jong Un
3 Shtator, 13:05 -
Harris shpreson të përfitojë nga mbështetja e Presidentit Biden
2 Shtator, 23:00 -
Ish-presidenti Donald Trump hap polemikën e radhës me kryeministrin e Kanadasë: Justin Trudeau mund të jetë djali i Fidel Kastros!
1 Shtator, 21:57
