Kandidatja demokrate për presidente Kamala Harris bën fushatë të mërkurën për herë të dytë këtë javë në Pensilvani, një nga shtetet që pritet të përcaktojnë rezultatin e zgjedhjeve presidenciale për president. Kësaj radhe, zonja Harris do të mbajë një tubim me një grup republikanësh që po e mbështesin atë kundër kandidatit të partisë së tyre, Donald Trump.
Ndërkohë, ish-Presidenti Trump vazhdon përpjekjet e tij për të bërë për vete votuesit hispanikë gjatë një aktiviteti që organizohet nga rrjeti më i madh televiziv në gjuhën spanjolle në Shtetet e Bashkuara.
Ndërsa kanë mbetur edhe tre javë deri në ditën e zgjedhjeve, zonja Harris do të bëjë fushatë në qarkun Bucks të Pensilvanisë, një zonë që ka shumë votues, në periferi të Filadelfisë. Presidenti Joe Biden e fitoi këtë qark, me një avantazh të ngushtë, në zgjedhjet e fundit presidenciale.
Fjalimi i Nënpresidentes Harris gjatë tubimit në Pensilvani pritet ta vërë theksin tek rëndësia e respektimit të Kushtetutës. Ajo do të shoqërohet nga ish-ligjvënësi republikan, Adam Kinzinger dhe zyrtarë të tjerë të Partisë Republikane. Ata e kundërshtojnë kandidaturën e zotit Trump pasi thonë se ai është një kërcënim për demokracinë amerikane për shkak se refuzon të respektojë normat zgjedhore të vendit dhe për shkak të mbështetjes për individët që sulmuan Kapitolin më 6 janar të vitit 2021.
Ish-Presidenti Trump dhe Nënpresidentja Harris bënë fushatë në të njëjtën kohë në Pensilvani të hënën. Kandidati republikan ishte në Oaks, ndërsa zonja Harris ishte në anën tjetër të shtetit, në qarkun Erie. Ky qark kishte një nga rezultatet më të ngushta në Pensilvani gjatë dy garave të fundit presidenciale.
Rruga më e lehtë për zonjën Harris për të siguruar Shtëpinë e Bardhë, është duke fituar në tre shtetet e pavendosura në veri të Shteteve të Bashkuara: Miçigan, Pensilvani dhe Viskonsin. Zonja Harris mbajti një tubim zgjedhor në Detroit, në Miçigan të martën dhe do të udhëtojë në tre qytete të Viskonsinit të enjten.
Zonja Harris gjithashtu pritet të japë një intervistë për rrjetin ‘Fox Neës’ të mërkurën.
Ish-Presidenti Trump do të marrë pjesë në një diskutim që do të transmetohet në rrjetin në gjuhën spanjolle ‘Univision’, si pjesë e përpjekjeve të tij për të siguruar votat e komunitetit latino-amerikanë. Të shtunën, ish Presidenti Trump mori pjesë në një tubim në Las Vegas, ku mbajti fjalim para pronarëve të bizneseve nga komuniteti hispanik, në shtetin vendimtar të Nevadës.
Biseda në rrjetin ‘Univision’ do të regjistrohet në Miami të Floridas dhe planifikohet të transmetohet të mërkurën në mbrëmje. Emigracioni luan rol të rëndësishëm për ekipin e fushatës zgjedhore të zotit Trump. Ai shpreson tek rritja e mbështetjes së votuesve hispanikë në përpjekjet për t'u rikthyer në Shtëpinë e Bardhë, edhe pse ofron një vizion të zymtë për imigracionin. Ai më parë ka thënë se emigrantët po “helmojnë gjakun” e kombit amerikan dhe se fluksi i fundit i emigrantëve të paligjshëm në kufirin SHBA-Meksikë përbën një “pushtim”.
Nënpresidentja Kamala Harris mori pjesë në një ngjarje të ngjashme të organizuar nga rrjeti “Univision” në Las Vegas, javën e kaluar./VOA
Lajme të tjera
-
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Trump tha se do të blejë Groenlandën, kryeministri i vendit i përgjigjet: Nuk jemi në shitje
24 Dhjetor, 14:16 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15
