POP 5

Lajmet më të lexuara të 5 minutave të fundit

Politikë

Harta e re elektorale, një mandat
më pak Kukësit, Korçës e Beratit

KQZ ndau numrin e mandateve në bazë të përllogaritjes së bërë duke iu referuar numrit të popullsisë së dhe formulës së përllogaritjes së mandateve.  VIDEO
TIRANE-Në zgjedhjet 2017 do të ketë një hartë të re elektorale. Më shumë deputetë do të ketë në Tiranë e Durrës, u hiqet nga një mandat Korçës, Beratit e Kukësit.
Komisioni Qendror i Zgjedhjeve miratoi sot ndryshimet në mandatet e qyteteve, ku gjithsej do të jenë 140 deputetë.

KQZ ndau numrin e mandateve në bazë të përllogaritjes së bërë duke iu referuar numrit të popullsisë së dhe formulës së përllogaritjes së mandateve. Sipas ndarjes së re, në Qarkun e Beratit të Kukësit dhe të Korçës të ketë përkatësisht nga një mandat deputeti më pak.

Këto mandate kalojnë 2 për qarkun e Tiranës dhe një për qarkun e Durrësit.

Kështu harta elektorale do të jetë ndryshe në zgjedhjet e ardhshme.

Në bazë të një përllogaritje që ka bërë komisioni i posaçëm i reformës zgjedhore rezulton se ka ulje të numrit të popullsisë në qarkun e Kukësit dhe KQZ miratoi sot që këtij qarku ti hiqet 1 mandat dhe nga 4, të zbresë në 3, edhe qarku i Beratit do të ketë të njëjtin fat duke zbritur numri i mandat, nga 8 në 7 e po ashtu Korça nga 12 në 11.

Këto tre mandate deputetësh pritet të kalojnë në dy qarqet më të mëdha në atë të Tiranës dy mandate më shume duke u bërë nga 32 në 34 dhe atë të Durrësit që bëhet 14 nga 13 që ishte në zgjedhjet e fundit parlamentare të 2013.

Lëvizjet e popullsisë dhe lindshmëria foshnjore ishin arsyet që çuan në ndryshimin hartën e mandateve të deputetëve në zgjedhjet e ardhshme parlamentare.

(d.b/Shqiptarja.com)
 

/Shqiptarja.com
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Zyrtare/ Giacomo Vrioni ndryshon skuadër dhe shtet, mbetet në MLS

Zyrtare/ Giacomo Vrioni ndryshon skuadër dhe shtet, mbetet në MLS

8 Janar, 10:13