Harta e re gjyqësore, Korreshi: Gjykatat e rretheve po eliminohen vetëm se gjyqtarët duan të vijnë me shtëpi në Tiranë

 

Deputeti i PD, Saimir Korreshi foli për bojkotin e avokatëve për shkak të hartës së re gjyqësore dhe kolapsit në sistemin gjyqësor. Pas kritikave për hartën e re gjyqësore, Korreshi tha se qytetarët nuk po marrin shërbim. Sipas deputetit demokrat, harta bëhet vetëm që t;i shërbejë gjyqtarëve që duan të banojnë në Tiranë dhe kanë zgjedhur si mënyrë eliminimin e gjykatave të rretheve.

“Parlamenti është bërë si han pa porta. Sot avokatët janë në protestë. Për këtë reformë në drejtësi për mënyrën si po e konceptoni këtë reformë. Sot kanë qenë në dyert e KLGJ të gjithë avokatët. Njerëzit nuk po marrin shërbim, janë bojkotuar të gjitha seancat. Ju nuk i dëgjoni. Vini këtu dhe i ndani fletë lavdërimi. Ku janë këto fletët? Si mund të jepet në këtë lloj forme. Sepse ju futët një drejtësi me gogla.

LEXO EDHE:
Kërkoi leje për t’u betuar si kryebashkiak i Himarës, Gjykata e Lartë nuk pranon rekursin e Fredi Belerit

Kjo reformë dështoi që në hapat e parë dhe e tillë do të përfundojë. Ju kuptuat sesi mund ta çoni këtë sistem në kolaps sepse i interesonte kryeministrit. Prej vitesh Gjykata Kushtetuese nuk ishte funksionale. Ai sistem drejtësie që ju e bëtë çorap në këto 6 vite po mundoheni ta qepni. Nuk mund të konceptohet vetëm një gjykatë apeli kur ju ju plasi bomba te gjykata e apelit administrativ. Ju po eliminoni gjykatat e rretheve, është qesharake. Sistemi është në kolaps. Ju po e ktheni shërbim ndaj gjyqtarëve sepse të gjithë duan të vijnë me shtëpi në Tiranë. Mund të kthehet një sistem drejtësie me shtëpi në Tiranë. Po ne qytete e vogla nuk meritojmë një sistem në drejtësi”, tha Korreshi.

Lajmi kryesor:

Ministri i drejtësisë: SPAK të rrisë numrin e hetimeve kryesisht! KLGJ punë të lavdërueshme për hartën e re gjyqësore

A.M./r.k./Shqiptarja.com

TAG:
• spak
• klgj
• KLP
• ULSI MANJA