Harta e re gjyqësore, shtyhen 20 gjyqe në Kukës! Banorët e Tropojës duhet të udhëtojnë 100 km larg për të kërkuar drejtësi

 

Vendimit të Dhomës Kombëtare të Avokatëve për bojkotimin e seancave gjyqësore i është bashkuar edhe Dhoma e Avokatëve të  Kukësit. Sot do të kryheshin rreth 20 procese gjyqësore, por 8 avokatët e Kukësit marrin pjesë vetëm në seancat për masa sigurie.

Sekretarja e Dhomës së Avokatëve Aurora Guska ka deklaruar ky bojkot do të vazhdojë për 4 ditë me radhë ndërkohë me shkrirjen e gjykatës së Tropojës  shtohen vonesat në proceset gjyqësore në gjykatën e apelit Shkodër ku kemi juridiksionin. 

Ndërkohë, projekti i shkrirjes së 12 gjykatave të shkallëve të para në rrethe në kuadër të hartës së re gjyqësore, shkrin edhe Gjykatën e Tropojës. Sipas këtij projekti, banorët e bashkisë së Tropojës do të duhet të kërkojnë drejtësi pranë gjykatës së Kukësit, që ndodhet 100 kilometra larg. Me shkrirjen edhe të gjykatës, banorëve të Tropojës nuk i mbetet më asnjë institucion qendror që u shërben qytetarëve, përveç bashkisë.

Lajmi kryesor:

Harta e re gjyqësore, 'paralizohet' drejtësia! Shtyhen rreth 800 seanca në të gjithë vendin! Haxhia: Bojkoti po funksionon

A.M./r.k./Shqiptarja.com

TAG:
• dhoma e avokatise
• harta gjyqesore
• Maksim Haxhia