POP 5

Lajmet më të lexuara të 5 minutave të fundit

Kronikë

Harta gjyqësore, Kushtetuesja mbyll marrjen e provave! Shkrirja e apeleve, avokatët e OJF-të përplasen me KLGJ-në

Gjykata kushtetuese mbylli marrjen e provave në gjyqin ku dhoma kombëtare e avokatisë kërkon shfuqizimin e hartës së re gjyqësore. Këshilli i Lartë Gjyqësor dhe qeveria kërkuan të mos merret si provë, raporti i Komitetit të Helsinkit që thekson se avokatët kanë rritur me 50 deri në 200% tarifat për qytetarët të cilëve u është shtuar kostoja e transportit për të shkuar në gjykatat e reja.

Dhoma Kombëtare e Avokatisë dhe Komiteti i Helsinkit u përplasën ashpër në Gjykatën Kushtetuese me KLGJ-në, KLP-në dhe këshillin e ministrave në procesin ku kërkojnë shfuqizimin e hartës së re gjyqësore që po zbatohet nga shkurti i këtij viti.  

Erida Skendaj nga Komiteti shqiptar i Helsinkit paraqiti një raport në seancë ku pretendoi se harta e re ka rritur kostot e shërbimeve të avokatëve dhe ka vështirësar aksesin e qytetarëve tek drejtësia.

“Janë rritur kostot e shërbimit avokor për përfaqësim të çështjeve gjyqësoreë, nga 50 deri në 200% të tarifave të mëparshme. Kosto transporti për njerëzit në nevojë. Deri në 130 mijë lekë të vjetra minuta 32”.

Por përfaqësuesit e KLGJ dhe qeverisë, kërkuan që raporti të mos merret si provë.

 “Si e keni matur ju, të mos pranohet akti”, thotë KLGJ.

“Të mos pranohet akti si prove”, thotë qeveria.

Pas debateve në seancë, gjykata kushtetuese vendosi mbylljen e shqyrtimit gjyqësor ndërsa palët u përplasën edhe në konkluzionet përfundimtare. Pasi dëgjoi palët, gjykata kushtetuese njoftoi tërheqjen për vendim ndërkohë që data pritet të njoftohet nga trupi gjykues.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Osmani: Serbia po e shkel marrëveshjen për të zhdukurit duke mos i hapur arkivat

Osmani: Serbia po e shkel marrëveshjen për të zhdukurit duke mos i hapur arkivat

27 Prill, 12:01