POP 5

Lajmet më të lexuara të 5 minutave të fundit

Politikë

'Territorialja'/ Të gjithë drejt rajoneve! PD e Berishës: Vendi të ndahet në 5 rajone, disa me emra ‘principatash’! Asllani për Report Tv: Reforma, jo thjesht skicë e re

Report Tv zbulon detaje mbi draftin që po punon grupimi i Berishës, i cili pritet të propozojë ndarjen në 5 rajone dhe shtim të numrit të bashkive. Ndërkohë Sekretari për Pushtetin Vendor Ylli Asllani shprehet se ky projekt nuk synon vetëm një skicë të re, por ndryshime thelbësore në demokracinë lokale.

TIRANË- Ndonëse të lënë jashtë Komisionit të posatcëm për Reformën Territoriale, demokratët e Sali Berishës e kanë gati vizionin e tyre sesi duhet të jetë harta e re administrative.  Report Tv mëson se edhe PD e Rithemelimit, ashtu sikurse më herët janë artikuluar socialistët dhe grupi Alibeaj, janë pro ndarjes së vendit në rajone. Sipas draftit mbi të cilin po punojnë, vendi do të ndahet në 5 rajone.

Sipas burimeve, PD e Berishës ka gati edhe emërtimet e këtyre rajoneve. Sipas draftit, ata do të jenë Rajoni i Shkodrës, Rajoni i Arbrit, Rajoni Elbasan-Korçë, Rajoni i Muzakajve, Rajoni i Kaonëve. Ndërkohë në duar ekspertët kanë 3 versione sesa duhet të jetë numri i bashkive, që variojnë nga 80-90 bashki. 

Ndërkohë në një intervistë për Report Tv, Sekretari për Pushtetin Vendor të PD së Berishës, Ylli Asllani, thotë se nevoja për ndarjen e vendit në rajone lind natyrshëm, teksa tregon dhe diferencën mes vizionit të tyre dhe socialistëve. 

 “Shtetet e zhvilluara e kanë kuptuar që rajoni territorial duhet të përputhet edhe me rajone administative. Ky është koncepti që ne kemi pranuar. Ne mendojmë që zhvillimi rajonal është atribut i njësive të pushtetit vendor dhe roli i qeverisë është rol ndihmës kurse pjesa tjetër mendon që bashkitë, njësitë vendore, janë faktorë në sfond.” thotë Asllani. 

Nevoja për shtim të numrit të Bashkive lind sipas tij, për të afruar shërbimet te qytetarët, të cilët sipas Asllanit vecanërisht në periferi janë lënë pa shërbime. 

“Ne jemi për të dërguar shërbimet sa më afër qytetarëve. Unë e kam thënë edhe më herët, këta morën gërshërën dhe e ndanë kostumin e reformës administrative, sipas preferencës politike", tha ai. 

Por krahas një skice të re, Asllani kërkon një reformë më ambicioze. 

“Shteti duhet të ndërhyjë në ndarjen e të ardhurave, jo të gjitha të ardhurat që qeveria merr duhet t’i kalojnë asaj. Taksat kryesore duhet të jenë të ndar si psh yaksa e të ardhurave, pushteti lokal duhet të marrë një përqindje të caktuar, taksa e territorit, e qarkulimit etj. Këtu ka ndodhur cudia më e madhe në momentin që pushteti lokal kishte më shumë nevojë për ndihmë qeveria bën një reformë dhe heq taksën e biznesit që i takon bashkive. Po si do kenë kapacitete kur heq oksigjenin", u shpreh Asllani. 

Punën në komisionin për Reformën Administrative nuk e paragjykon, por thotë se i druhet një skupi parazgjedhor. 

“Ne kemi një projekt, ata pra PS, asgjë. Kjo lë shteg për të menduar, se po bëjnë një skup ligjor që i lejon të manipunojnë zgjedhjet. Projekti ynë do paraqitet në parlament, që qytetarët të mos kenë vetëm një dhuratë të sheqerosur,por edhe një alternativë tjetër dhe të zgjedhin mes tyre”, u shpreh Asllani. 

PS dhe PD, pa përfaqësues nga grupimi Berisha, kanë nisur prej muajsh punën në Komisionin Parlamentar për Administrative, e pas një periudhe konsultimesh ata duhet të përfundojnë brenda 30 shtatorit hartën e re.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 31/08/2022 04:20

    Keto rajonet dhe bashkite shtohen e pakesohen,bashkohen e shkeputen nga politikanet tane te rradhes tamam si mikrobet ne Petri dish,kur i shikon ne mikroskop.Eshte turp qe nuk e ndane mendjen njehere e mire.Ne U.S behen ndryshime te ngjashme,por jo me keto permasa dhe behen per te ashtuquajturin /gerrymandering/,per ceshtje votash ,gjitheashtu qytete te medha si NY kane minibashki qe korespondojne me lagjet e tyre,por qe varen nga kryebashkia e qytetit dhe kjo nga guvernatori i shtetit.Ideja e emertimit me emra principatash me duket interesante,por e cuditshme;sigurisht rajoni i Muzakeve tingellon me mire se rajoni i Myzeqese,por c'vlere tjeter ka pervec asaj gjuhesore e historike,ne kuadrin e koheve moderne?!

    Përgjigju
  • Tironsi: 30/08/2022 23:09

    DO JU KISHA VOTU PO TË KISHIT BËR EDHE RAJONIN E EPIRIT SEPSE ESHTË I VETMI QË SE NDROI EMRIN NËN SUNDIMIN ROMAK,BIZANTIN,OSMAN... SEPSE HISTORIA DUHET TË KTHEHET NË VEND.

    Përgjigju
  • Lui: 30/08/2022 16:01

    Me kaq banore sa jemi ne duhen sa me pak pushtet lokal. E gjithe Shqiperia eshte sa gjysma e Romes. Tani si i bie?! Edhe Roma eshte e ndare ne 80-90 bashki? Pastaj dhe nje gje tjeter. Bashkite e vogla qe kane shume pak burime te ardhurash edhe investimet do i kene shume te pakta. Kete zgjidhje keni ju te PD?! Ta shnderrojme Shqiperine ne bajraqe me bajraktare..?! Si nuk dhate nje alternative te sakte kurre, as per qeveri, dhe as per bashki..?!

    Përgjigju
    • Bob: 31/08/2022 00:04

      Ti qeke ni kokra e k… taman bq lulishtesh

  • Shqiptar: 30/08/2022 15:29

    Me siguri cdo rajon e do nje kryetar, nje sekretar, nje keshill rajonal. Vende pune perfekte per militante partiake qe duan te dredhin zinxhirin. Paguaj taksa o popull se na duhet rajoni i Muzakajve.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

25 Dhjetor, 08:15