KQZ shkresë ministrisë së Brendshme për ndarjen e Qendrave të Votimit: Zgjedhësit me të njëjtin kod vendbanimi nuk mund të ndahen në lista të ndryshme

KQZ shkresë ministrisë së Brendshme për ndarjen e Qendrave të Votimit: Zgjedhësit me të njëjtin kod vendbanimi nuk mund të ndahen në lista të ndryshme

Kryekomsioneri Ilirjan Celibashi

Komisioni Qendror i Zgjedhjeve i ka nisur një shkresë Ministrisë së Brendshme në lidhje me hartimin e listës së zgjedhësve, në kuadër të zgjedhjeve vendore më 14 maj 2023.

Sipas shkresës, në listën e zgjedhësve ku ka mbi 1000 zgjedhës në zonën e qendrës së votimit,  KQZ ka kërkuar të shtohet kriteri që zgjedhësit me të njëjtin kod vendbanimi nuk mund të ndahen në lista të ndryshme.

Sipas KQZ,  numri i zgjedhësve që duhet të lëvizin nga një qendër votimi në tjetrën, për shkak të këtij ndryshimi, në rang vendi shkon në 15 % te te gjithë zgjedhësve. Në kryeqytet, sipas KQZ, kjo shifër arrin në 30.8 %.

Sipas shkesës drejtuar KQZ-së “zgjedhësve që duhet t’u ndryshohen qendrat e votimit në këtë rast, përkatësisht nuk iu ndryshon zona e qendrës së votimit. Nuk ndryshon adresa e QV. Në këtë rast zgjedhësi përkatësisht do të votojë përsëri në të njëjtën godinë, por thjesht do t’i ndryshojë kati apo dhoma, ku është vendosur qendra e re e votimit”.

Komision Qendror i Zgjedhjeve thekson se e ka konsultuar këtë ndryshim me forcat politike dhe shprehet se kjo është pranuar nga të gjitha palët.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet