Akuzat për krime lufte, Hashim Thaçi dhe ish-krerët e UÇK-së dalin sot para Gjykatës Speciale

Akuzat për krime lufte, Hashim Thaçi dhe ish-krerët e UÇK-së dalin sot para Gjykatës Speciale

Hashim Thaçi, Kadri Veseli, Rexhep Selimi dhe Jakup Krasniqi

HAGË- Ish-krerët e UÇK, ditën e sotme do të dalin përpara Gjykatës Speciale në Hagë. Kjo është seanca e shtatë që do të mbahet në lidhje me ecurinë e çështjes për Hashim Thaçin, Jakup Krasniqin, Kadri Veselin e Rexhep Selimin.

Në kalendarin e Gjykatës Speciale thuhet se konferenca do të nisë në orën 14:30, ndërsa pritet që avokatëve t’iu dorëzohen materialet hetimore, në mënyrë që të vijojë gjyqi.

Në seancën e fundit që është mbajtur më 21 korrik ka pasur debate mes avokatëve të të akuzuarve dhe prokurorisë, kjo për shkak se kjo e fundit nuk i ka dorëzuar plotësisht të gjitha materialet hetimore. Avokatët kanë arritur të marrin pothuajse 30% të dosjes, ndërsa ju mungon dhe një pjesë e konsiderueshme, përkatësisht 70% e saj.

Kujtojmë se Dhomat e Specializuara e konfirmuan aktakuzën ndaj ish-eprorëve të UÇK-së më 26 tetor të vitit 2020.

Thaçi, Veseli, Krasniqi e Selimi qëndrojnë në paraburgimin e Hagës që prej 5 Nëntorit dhe akuzohen se si drejtues të UÇK-së kishin kryer krime lufte dhe krime kundër njerëzimit gjatë luftës në Kosovë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Qeveria shpërblim 5 mijë lekë për pensionistët, si e vlerësoni?



×

Lajmi i fundit

Macron takohet me Elon Musk: Twitter duhet të respektojë rregullat europiane

Macron takohet me Elon Musk: Twitter duhet të respektojë rregullat europiane