KOSOVË-Pas tri herë refuzimesh, Gjykata Speciale ka miratuar kërkesën e ish-Presidentit të Kosovës, Hashim Thaçi, për t'u kthyer në Kosovë. Leja është dhënë për arsye humanitare, pasi babai i tij ndodhet në gjendje të rënduar shëndetësore.
Thaçi ka mbërritur në Prishtinë dhe ka vizituar babanë e tij, i cili po trajtohet në Klinikën e Mjekësisë së Brendshme në Qendrën Klinike Universitare të Kosovës (QKUK).
Gjatë vizitës, ai është shoqëruar nga forca të shtuara sigurie, siç parashikohet nga protokollet për rastet e tilla.
Më herët, Gjykata Speciale kishte refuzuar disa kërkesa të njëpasnjëshme, me arsyetimin se gjendja shëndetësore e babait të Thaçit nuk justifikonte një kthim të menjëhershëm. Megjithatë, përkeqësimi i fundit i situatës ka bërë që trupi gjykues të rishqyrtojë vendimin dhe të japë lejen për një vizitë të kufizuar.
Ky është një zhvillim që vjen në një moment të ndjeshëm për Thaçin, i cili ndodhet në paraburgim në Hagë, ku po përballet me akuzat e ngritura ndaj tij nga Dhomat e Specializuara të Kosovës.
Ende nuk dihet se sa ditë do të qëndrojë Thaçi në Kosovë dhe nëse do të lejohet ndonjë vizitë tjetër jashtë institucioneve shëndetësore, por burime jozyrtare thonë se qëndrimi i tij është i kufizuar dhe i kontrolluar rreptësisht nga autoritetet.
Thaçi viziton babanë e sëmurë në QKUK, largohet mes brohoritjeve “UÇK, UÇK” Ish-presidenti i Kosovës, Hashim Thaçi, ka zhvilluar një vizitë emocionale treorëshe pranë babait të tij të sëmurë në ambientet e Qendrës Klinike Universitare të Kosovës (QKUK), në Prishtinë. Vizita u krye në kuadër të një leje të posaçme humanitare të dhënë nga Gjykata Speciale në Hagë, ku Thaçi ndodhet në paraburgim.
Në përfundim të vizitës, ish-lideri i Partisë Demokratike të Kosovës u prit me entuziazëm nga dhjetëra qytetarë dhe mbështetës që ishin mbledhur në ambientet e jashtme të QKUK-së. Me brohoritjet “UÇK, UÇK” dhe “O Hashim, o hero, krejt Kosovën këtu e ke”, qytetarët shprehën mbështetjen e tyre ndaj Thaçit, ndërsa ai largohej i shoqëruar nga stafi mjekësor dhe agjentët që e kishin transferuar nga Haga për vizitën.
Vizita e Thaçit u realizua pas përkeqësimit të gjendjes shëndetësore të babait të tij gjatë javëve të fundit. Gjykata Speciale konfirmoi se qëndrimi i tij në Kosovë është zhvilluar nën mbikëqyrje të rreptë, duke theksuar karakterin humanitar të lejes së dhënë.
“Në përputhje me udhëzimet e trupit gjykues dhe gjykatëses së procedurës paraprake, është organizuar një vizitë nën mbikëqyrje për Hashim Thaçin, për të takuar babain e tij në Kosovë. Gjatë kësaj vizite, i akuzuari mbetet në paraburgim të Dhomave të Specializuara,” thuhet në njoftimin zyrtar të Gjykatës.
Ky moment ka risjellë në vëmendje lidhjen emocionale të figurës së Thaçit me qytetarët dhe simbolikën e tij për një pjesë të madhe të shoqërisë kosovare, në një kohë kur procesi gjyqësor ndaj tij vijon në Hagë.
Komente
Lajme të tjera
-
Sekretari i Përgjithshëm i NATO-s, Mark Rutte, viziton nesër Kosovën! Takim me presidenten Osmani dhe kryeministrin Kurti
10 Mars, 11:06 -
Fondacioni Europian i Trajnimeve: Varfëria të lë të paditur, 82% e nxënësve në disavantazh ekonomik të dobët
10 Mars, 08:31 -
Risi nga Sylvinho për Botërorin, kapiteni i Dardanëve zgjedh Kombëtaren! Rebelohen te Kosova: Duka dhe FSHF të ndalen
8 Mars, 16:42 -
Epopeja e UÇK-së, krerët e shtetit sot homazhe në Prekaz
6 Mars, 10:34 -
Augustin Palokaj: Përvoja e Kosovës me kërkesat e Amerikës
3 Mars, 08:53
-
I dënuar me 15 vite burg, Supremja refuzon kërkesën e ish-komandantit të UÇK-së, Sali Mustafës, për ulje të dënimit
26 Shkurt, 18:06 -
Kosovë/ Policia aksion në Zubin Potok për strukturat paralele serbe, mbyllen 4 qendra për punë sociale! Dyshohet se 'shkelën vullnetin e votuesve'
21 Shkurt, 11:36 -
Hashim Thaçi nuk paraqitet në seancën gjyqësore në Hagë, shkak problemet shëndetësore
18 Shkurt, 10:59 -
17- vjetori i Pavarësisë së Kosovës, publikohet foto e rrallë e Hashim Thaçit dhe Haxhi Shalës krah njëri-tjetrit në burgun e Hagës
17 Shkurt, 14:59 -
17-vjetori i pavarësisë së Kosovës e gjen Thaçin në Hagë, Rama e Grenell në një zë: Europianët e institucionet e Prishtinës dështuan t'i japin fund padrejtësisë së madhe
17 Shkurt, 14:54 -
VIDEOLAJM/ Pavarësia e Kosovës, flamuri gjigant i Kosovës shpaloset në Tiranë në sheshin 'Nënë Tereza'
17 Shkurt, 09:47 -
Augustin Palokaj: Shpallja shumëpalëshe e pavarësisë së Kosovës
17 Shkurt, 08:28
