Real Madrid ka mposhtur në gjysëm finalen e Kupës së Botës për klube japonezët e Kashima Antlers me rezultatin 1-3. Ka qenë uellsiani Gareth Bale i cili ka shënuar 3 golat për madrilenët të cilët kanë mbyllur llogaritë me japonezët që në fillimin e pjesës së dytë. Bale shënoi një gol në pjesën e parë në minutën e 44 dhe dy në pjesën e dytë në minutat e 53 dhe 55. Për japonezët golin e ‘nderit’ e shënoi Shoma Doi në minutën e 78.
Reali me këtë fitore shkon në finalen e Kupës së Botës për klube e cila prej dy vitesh zhvillohet në Emiratet e Bashkuara Arabe. Kampionët e Europës do të përballen me kampionët e Azisë, Al-Ain, skuadër e cila udhëhiqet nga ish-mbrojtësi kroat Zoran Mamiç.
Spanjollët tani do të përballen me vendasit e Al-Ain në Zayed Sport City Stadium ditën e shtunë ndërsa Kashima Antlers do të përballet me River Plate, të eleminuar nga Al-Ain një ditë më parë.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)