POP 5

Lajmet më të lexuara të 5 minutave të fundit

Sport

Hauge i jep Milanit vendin e parë në grup/ Shorti për 1/16 të hënën, ekipet Big në vazon e parë (VIDEO-Golat)

Europa League mbylli mbrëmë fazën e grupeve. Milani mposhti 1-0 Spartën e Pragës dhe e mbylli si vend i parë. Ndërkaq janë përcaktuar edhe 32 skuadrat që do vijojnë garën dhe shorti do hidhet të hënën. Ekipet e mëdha janë në vazon e parë. 

Milani edhe pse me lojtarët e stolit fitoi në Pragë 1-0 ndaj Spartës vendase dhe e mbylli në vend të parë grupin H të Europa League. Vendosi goli i norvegjezit Hauge që në pjesën e parë dhe kuqezinjtë janë në vazon e parë për shortin e 1/16.

Si e para  e mbylli fazën e grupeve edhe Napoli pavarësisht se nuk shkoi më shumë se një barazim ndaj Real Sociedad. Në stadiumin “ Diego Armando Maradona”  Zielinski kalon napoletanët në avantazh por barazoi në 1-1 William Jose për spanjollët që po ashtu kalojnë në fazën tjetër.

CSKA-ja e Sofies e mposhti mbrëmë Romën 3-1 por kjo ishte një humbje që nuk ndikon aspak pasi verdhekuqtë i kishin mbyllur llogaritë dhe e kishin siguruar vendin e parë që më herët. Dy gola për bullgarët i shënoi  Ali Sowe, ish-lojtari i Skënderbeut.

Si i pari i grupit u kualifikua Tottenham që e fitoi 2-0 duelin direkt me Antverp në Londër ndërsa Arsenali e mbylli fazën e grupeve me të gjitha fitore pasi likuidoi edhe Dundalk 4-2 në transfertë. Ndërkaq janë përcaktuar të gjitha ekipet e fazës së 1/16 me 24 ekipet e kualifikuara dhe 8 që zbresin nga Champions League. Shorti do të hidhet të hënën në orën 13:00 dhe ekipet big janë në vazon e parë. Tre italianet Milan, Roma e Napoli apo edhe anglezet Arsenal, Manchester United , Tottenham e Leicester janë në vazon e më të fortëve dhe të paktën në 1/16 nuk do përballen mes tyre. /Përgatiti Andi Kapxhiu

Ndarja e vazove në Europa League

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Harris apo Trump? Kush do të donin shqiptarët të ishte presidenti i SHBA-së! Ja rezultati në sondazhin e Shqiptarja.com! Votoni dhe ju

Harris apo Trump? Kush do të donin shqiptarët të ishte presidenti i SHBA-së! Ja rezultati në sondazhin e Shqiptarja.com! Votoni dhe ju

5 Nëntor, 09:12