POP 5

Lajmet më të lexuara të 5 minutave të fundit

Arkiva

Haxhinasto: Negociata me
ofertuesen e dytë për Albpetrolin

Qeveria shqiptare ka shfuqizuar ofertën fituese prej 850 milionë eurosh nga Vetro Energy për të blerë kompaninë e naftës Albpetrol
TIRANË - Qeveria shqiptare ka shfuqizuar ofertën fituese prej 850 milionë eurosh nga Vetro Energy për të blerë kompaninë e naftës Albpetrol, pasi firma shqiptaro-amerikane dështoi në pagesën fillestare, të kërkuar nga ligji, njoftoi agjencia e lajmeve REUTERS, duke iu referuar deklaratave të zv.kryeimistrit Edmond Haxhinasto. Ai ka thënë se Vetro nuk pagoi dot 170 milionë euro, shifër e barabartë me 20 për qind të ofertës. Kjo, edhe pasi iu akorduar një shtyrje prej 30 ditësh, me afat përfundimtar 3 dhjetorin 2012.

“Ky vendim i qeverisë autorizon grupin e negociatorëve që të vazhdojnë të vlerësojnë ofertat e tjera,” tha për TV Top Channel Haxhinasto. Konsorciumi kinez Win Business, me një ofertë prej 298 milionë eurosh, është i dyti në radhë dhe pret të nisë negociatat. Ai pasohet në listë nga kanadezët e Bankers Petroleum, që kanë ofruar 106 milionë euro për blerjen e 100 për qind të aksioneve të kompanisë, me të cilët, në rast se dështon edhe negociata me firmën e dytë, mund të bisedohet nga ekspertët e METE-s. “Një burim i afërt me aksionarin kryesor të Vetro Energy, biznesmenin Rezart Taçi, tha se grupi ishte habitur nga vendimi, për shkak se ata po punonin për të finalizuar marrëveshjen”, shton më tej REUTERS.

Një vendim i tillë nuk gjendet në faqet në internet të qeverisë, ku publikohen zakonisht njoftime të tilla, konstaton sërish agjencia britanike. Ajo shton se qeveria e anuloi marrëveshjen, pasi e priti Vetro për dy muaj të tjerë, ndërkohë që ka nisur përgatitjet për zgjedhjet parlamentare të 23 qershorit.

/Shqiptarja.com
  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Lule në bankën e 12-vjeçarit që u nda nga jeta, shkolla në Maliq mesazh prekës: Leo do jesh gjithmonë me ne

Lule në bankën e 12-vjeçarit që u nda nga jeta, shkolla në Maliq mesazh prekës: Leo do jesh gjithmonë me ne

8 Janar, 16:09