POP 5

Lajmet më të lexuara të 5 minutave të fundit

Ekonomi

Haxhinasto: Tarifa rrugëve që kanë
trafik të mjaftueshëm automjetesh

Komisioni Parlamentar i Ekonomisë dhe Financave diskutoi të martën projektligjn për strategjinë e taksimit rrugor në Shqipëri, ku ka pasur edhe debate mes mazhorancës dhe opozitës.
TIRANE - Qeveria Shqiptare, nën konsulencën e BERZH po studion strategjinë e vendosjes së tarifave për përdorimin e disa segmenteve rrugore. Ministri i Transportit dhe Infrastrukturës Edmond Haxhinasto, ishte ftuar dje në Komisionin e Ekonomisë dhe Financave për të argumentuar nevojën e miratimit nga Parlamenti të marrëveshjes së “Strategjisë Shqiptare të Taksimit Rrugor”, firmosur mes Qeverisë Shqiptare dhe BERZH në Tetor 2014, me vlerën 149.117 Euro, e cila synon realizimin e studimit për strategjinë e tarifimit të disa rrugëve ne vend.

Ministri Haxhinasto vuri theksin te fakti që strategjia do t’i japë përgjigje, mes të tjerave, disa pyetjeve kryesore në menaxhimin e ardhshëm të rrugëve: përcaktimin e segmenteve në të cilët do të vendosen tarifa, si dhe  shrytëzimin e qëndrueshëm të rrugëve, duke vendosur një balancë midis kostove të mirëmbajtjes dhe përfitimeve ekonomike prej tyre.

Qëllimi  i taksimit të rrugeve është mirëmbajtja e rrjetit rrugor. Ministri Haxhinasto nënvizoi se gjatë vitit 2014 janë rritur fondet për mirëmbajtje dhe siguri me 2.5 herë.  “Të ardhurat që do të realizohen janë për mirëmbajtjen e rrugëve.

Jemi përpara faktit që mirëmbajtja e rrjetit tonë rrugor ka nevoja të mëdha. Është shumë i rëndësishëm këndvështrimi ynë i ri për rrugën, ajo nuk është thjesht infrastrukturë fizike, por rruga është shërbim për qytetarët dhe që ne ta realizojmë me cilësi maksimale këtë, duhet të forcojmë mirëmbajtjen e saj dhe të ofrojmë sigurinë rrugore për qytetarin” - tha Ministri Haxhinasto.

Polemikat
Hartimi i kësaj strategjie është në përputhje me programin e qeverisë, si dhe direktivat evropiane. Por opozita u shpreh kundër këtij projektligji. Sipas deputetëve të opozitës në Komision, tarifimi i rrugëve duket vetëm etje e qeverisë për të shtuar taksat.

”Tarifimi i rrugëve më duket vetëm etje e qeverisë për të shtuar taksa. Qeveria do të vendosë taksa edhe për të kaluar rrugët kur ekonomia është në ngërç”, deklaroi ish-ministri i financave, deputeti i PD-së, Ridvan Bode. Kjo strategji do të përfshijë analizën në nivel politikash, duke përcaktuar mënyrën optimale të përdorimit të taksës rrugore në rrjetin rrugor në Shqipëri dhe identifikimin e segmenteve rrugore potencialisht të përshtatshme për aplikimin e taksës rrugore.

BERZH
Sipas BERZH, kjo marrëvshje krijon mundësinë e rritjes së të ardhurave shtesë për sektorin rrugor dhe sigurimin e një burimi financiar të dedikuar për akset rrugore kombëtare në Shqipëri.

“Projekti do të marrë parasysh ndjeshmërinë e kërkesës, duke balancuar të ardhurat e taksave dhe përfitimet ekonomike të rrugëve; kohëzgjatjen e taksës; strukturën e taksës (taksa të ndryshme ditore ose javore, nga lloje të ndryshme të mjeteve, diferencim çmimi); programet e sigurisë; përshkallëzimin e tarifës (rritja e taksës me kalimin e kohës, etj), si dhe opsione të ndryshme për vënien e taksës” thekson BERZH në relacionin dërguar Qeverisë.

Redaksia Online
(d.a/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Ardian Vehbiu: Histeria ndaj kryepeshkopit Anastas

Ardian Vehbiu: Histeria ndaj kryepeshkopit Anastas

28 Janar, 21:45 nga Ardian Vehbiu