POP 5

Lajmet më të lexuara të 5 minutave të fundit

Kultura

Helidon Gjergji çel ekspozitë në kryeministri, mesazhi i artistit: Kur fëmijët u shkëputën nga interneti, idetë e tyre ishin të mrekullueshme

Artisti Helidon Gjergji ka ardhur nga Amerika në Shqipëri me një ekspozitë interesante të organizuar me fëmijët. Të shkëputur disa ditë nga interneti, me krijimet plot fantazi, fëmijët i janë bashkuar mesazhit të artistit duke reflektuar për marrëdhëniet me botën e tyre të brendshme.

TIRANË- Artisti Helidon Gjergji është kthyer nga Amerika në Shqipëri me një ekspozitë në Qendrën për hapje dhe Dialog në Kryeministri që titullohet “Në kërkim të artit”.

Ekspozita u çel në praninë e kryeministrit Edi Rama.

Ekspozita e organizuar me një grup fëmijësh EMA, Era dhe Drin Xhafa, si dhe Alvi e Livia Gjergji, është kuruar nga kritikja e njohur e artit Santa Nastro. 

Ajo foli për mesazhet e veprës së artistit:

“Ekspozita në kërkim të artit na jep mundësinë të reflektojmë mbi mekanizmat tanë të mendimit dhe marrëdhëniet e tyre me internetin, i cili ka ndryshuar ndjeshëm jetën tonë, por edhe mënyrën se si bëjmë pyetje, kërkojmë përgjigje dhe kufijtë që ekzistojnë midis realitetit dhe trillimit mes lajmeve të vërteta dhe lajmeve të rreme, mes një vepre arti dhe një imazhi të thjeshtë.”-tha kuratorja e kësaj ekspozite Santa Nastro. 

Helidon Gjergji rrëfen motivet që lidhen me nostalgjinë e rikthimit në vendin e tij me këtë ekspozitë.

“Kur kishim shkuar pothuajse në fund të organizimit të ekspozitës ndjeva se diccka mungonte. Ideja për pjesëmarrjen e fëmijëve në këtë ekspozitë më erdhi sepse interneti sa vjen dhe po ndikon në ftohtësinë e marrëdhënieve njerëzore. Ku ata u shkëputën disa ditë nga interneti dhe u vunë në punë, idetë e tyre ishin të mrekullueshme”  -tha Helidon Gjergji.

Helidon Gjergji përmes këtij eksperimenti artistik beson se njeriu me inteligjencën e tij, me nevojën për të qenë bashkë, për të qenë social është më i fortë.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Kosovë/ Shpërthen skuteri elektrik, përfshihet nga flakët një lokal

Kosovë/ Shpërthen skuteri elektrik, përfshihet nga flakët një lokal

2 Nëntor, 22:06