Helmimi i qytetarëve nga uji i pijshëm në fshatin Shtiqën të Kukësit, prokuroria nis hetimet! Merren në pyetje edhe mjekët

Pas helmimit të disa qytetarëve për shkak të ujit të pijshëm i cili ishte ndotur, në fshatin Shtiqën në Kukës, policia dhe prokuroria kanë nisur hetimet.

Blutë e Kukësit kanë kontaktuar specialistët e ujësjellësit të cilët kishin dijeni për ndotjen, dhe më pas kanë shkuar në Spitalin Rajonal Kukës, ku kanë konstatuar një numër të lartë personash nga disa fshatra të Kukësit, që janë paraqitur me simptoma helmimi.

Grupi hetimor ka marrë mostra të ujit tek depoja qendore dhe në banesat e qytetarëve në të cilat ka patur ndotje uji, me qëllim përcaktimin e shkaqeve të ndotjes. Ndërkohë në pyetje janë marrë edhe mjekët të cilët nuk kanë njoftuar në organet e rendit, në lidhje me këtë situatë.

‘Strukturat e Komisariatit të Policisë Kukës, pas publikimit të videove në rrjetet sociale, me pamje nga rubinetat e ujit të pijshëm në fshatin Shtiqen, që dyshohet të jetë i ndotur, kanë nisur menjëherë hetimet për këtë rast.

Shërbimet e Policisë kanë marrë kontakt me specialistët e ujësjellësit të cilët kishin dijeni për ndotjen, dhe më pas kanë shkuar  në Spitalin Rajonal Kukës, ku kanë konstatuar një numër të lartë personash nga disa fshatra të Kukësit, që janë paraqitur me simptoma helmimi.

Grupi hetimor i ngritur së bashku me specialistët e ISHSH Kukës, ka marrë mostra të ujit tek depoja qendore dhe në banesat e qytetarëve në të cilat ka patur ndotje uji, me qëllim përcaktimin e shkaqeve të ndotjes.

Po punohet për të marrë deklarimet e mjekëve, të cilët nuk kanë njoftuar në organet e rendit, në lidhje me këtë situatë.

Nën drejtimin e Prokurorisë së Rrethit vijojnë hetimet për zbardhjen e shkaqeve të ndotjes së ujit dhe vënien para përgjegjësisë ligjore të personave përgjegjës.’- njofton policia e Kukësit.

Lajmi kryesor:

50 qytetarë në urgjencën e Kukësit me simptoma helmimi, Gjici: S’ka probleme me ujin e pijshëm, u përzie me atë të vaditjes! Prokuroria nis hetimet

M.Q./Shqiptarja.com

TAG:
• albert shehu
• Hasan Halilaj
• Safet Gjici
• Kukes