POP 5

Lajmet më të lexuara të 5 minutave të fundit

Kronikë

Helmimi i banorëve nga uji në Bulqizë, nën hetim Kadri Muça, pronar i një HEC-i privat! Montoi një tub te ujësjellësi, uji i pijshëm u përzi me ujërat e zeza

Pronari i një hidrocentrali në Bulqizë po hetohet në gjendje të lirë për helmimin masiv të 60 banorëve të Gjoricës. Ai dyshohet se ka çarë tubacionet dhe uji i pijshëm është përzier me ferkale. Rastet masive të helmimeve ishin të shtunën e të dielën, ndërsa sot në spital u paraqiten 3 banorë. Gjithë zona vijon të mbetet pa ujë deri në daljen e analizave nga ISHP-ja

BULQIZË- Mbi 60 persona përfunduan në urgjencë me të vjella dhe diarre nga e shtuna në të hënë. Helmimi masiv i banorëve të fshatrave të Gjoricës në Bulqizë erdhi si pasojë e përzierjes së ujit të pijshëm me ferkale.

Tre ditë pas shfaqjes së rasteve të para, policia ka bërë përgjegjës pronarin e një hidrocentrali në Turçep të Bulqizës. Ai është 64-vjecari Kadri Muça, i cili çuditërisht po hetohet në gjendje të lirë edhe pse akuza është e fortë “Ndotja e ajrit, e ujërave dhe e tokës” që sipas kodit penal dënohet deri në 5 vite burgim.

Nga hetimet ka rezultuar se për shkak të montimit të një tubi plastik, nga 64-vjeçari, ujërat e pijshëm të fshatit Gjoricë janë përzier me ujërat e zeza, duke shkaktuar helmimin masiv të gjithë banorëve.

Ndërmarrja e Ujësjellës-Kanalizime Rajoni Dibër nuk reagon lidhur me gjendjen e tubacionit kryesor që furnizon banorët e Gjoricës. Prej të dielës është ndërprerë furnizimin me ujë për gjithë fshatrat e kësaj njësie, deri në daljen e analizave nga Instituti i Shëndetit Publik në Tiranë.

Pavarësisht kërkesave të Report TV asnjë zyrtar i bashkisë apo i ujësjellësit nuk prononcohet për situatën e rëndë ku ndodhen sot banorët e Gjoricës. Ende nuk dihet se kur do të rikthehet uji në çezma, ndërsa edhe më herët banorët kanë ngritur shqetësimin për depozitat e ujit që janë lehtësisht të aksesueshme nga personat e jashtëm dhe të ekspozuara ndaj ndotjes.

Rendit zhvillimet sipas orarit:
Ora 18:15
Helmimet në Bulqizë, drejtori i Njësisë së Shëndetit Publik: Është ndërprerë furnizimi me ujë për Gjoricën deri në rezultatet e analizave

 

Drejtori i Njësisë së Shëndetit Publik të Bulqizës, Hasan Koleci ka njoftuar se pas helimimit të disa personave është marrë vendimi për ndërprerjen e furnizimit me ujë të Gjoricës deri në nxjerrjen e përfundimeve të analizave.

Koleci tha se deri më tani rezultojnë 14 veta të helmuar nga uji në Gjoricë, 3 veta në Shupenzë dhe 2 në Bulqizë.

“Grupi i punës i kryesor nga mjeku kanë marrë analizat e ujit të pijshëm në depo dhe tek familjarët. Më datë 3 qershor na është njoftuar se përveç 3 familjeve me shenja helmimi në shtëpitë e fshatit Gjoricë na u njoftua se ka edhe familje të tjera.

Uji ka dalë i ndotur. Për këtë nga ana jonë është bërë njoftimi për ndërprerjen e ujit të pijshëm deri në analizat e plota të ujit në këtë zonë. Në 4 qershor, ka ardhur nga Tirana një grup pune që ka shkuar në pikat ku kanë bërë analizat e ujit nga Ostreni deri në Gjoricë.

Grupi i punës ka bërë analizat në laborator dhe një pjesë të analizave i ka dërguar në Peshkopi. Për këtë gjë pritet edhe përgjigjia e analizave të Institutit publik në Tiranë”- u shpreh drejtori i Njësisë së Shëndetit Publik të Bulqizës.

B.V/Shqiptarja.com

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 06/06/2023 03:12

    Perse pronari i HEC-it montoi tub ne nje prone publike dhe a morri leje per kete veprim? Dhe ne se po,a pati si mbikqyres nje specialist perkates?

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Egnatia pranë historisë, Edlir Tetova: Duam trofeun

Egnatia pranë historisë, Edlir Tetova: Duam trofeun

26 Dhjetor, 10:18