POP 5

Lajmet më të lexuara të 5 minutave të fundit

Kosova & Rajoni

Heqja e dinarit serb, Kosova dhe Serbia në Bruksel për negociatat! Kryenegociatorët takim trepalësh me Lajçak

Kryenegociatorët e Kosovës dhe Serbisë takohen sot në Bruksel për ndalimin e përdorimit të dinarit. Presidentja Vjosa Osmani ka deklaruar se është arritur kompromis për një pjesë të propozimit amerikan për dinarin.

Heqja e dinarit serb, Kosova dhe Serbia në Bruksel për negociatat! Kryenegociatorët takim trepalësh me Lajçak

Besnik Bislimi takim me Lajçak

BRUKSEL- Kosova dhe Serbia janë ulur sërish në tavolinën e negociatave në Bruksel. Fillimisht, ndërmjetësuesi evropian i procesit, Mirosllav Lajçak, priti kryenegociatorin e Kosovës, Besnik Bislimi, ndërsa më vonë do të takojë edhe kryenegociatorin e Serbisë, Petar Petkoviç.

Delegacionet e Kosovës dhe Serbisë zhvilluan edhe takim të përbashkët, me ndërmjetësimin e Lajçak.

Temë diskutimi është Rregullorja e Bankës Qendrore të Kosovës për heqjen e dinarit serb, që ka sjell mjaft tensione mes dy vendeve. Ndërkohë, po ashtu do të diskutohet edhe për zbatimin e marrëveshjes së Ohrit, e cila tashmë ka bërë një vit nga nënshkrimi, por palët ende nuk kanë nisur zbatimin e saj.

Bashkimi Evropian paralajmëroi një ditë më herët se do të shtojë trysninë mbi dy vendet për të zbatuar marrëveshjen e arritur një vit më parë për normalizimin e marrëdhënieve. Presidentja Vjosa Osmani tha se çështja e dinarit serb në Kosovë duhet të zgjidhet me urgjencë dhe se tashmë ekziston pajtueshmëri për një pjesë të propozimit amerikan për këtë çështje. Shefi i diplomacisë së Bashkimit Evropian, Josep Borrell ka deklaruar se Kosova dhe Serbia kanë arritur progres shumë të kufizuar.

Tensionet mes Kosovës dhe Serbisë u rritën më 1 shkurt, kur Banka Qendrore e Kosovës ndaloi përdorimin e dinarit serb.

Blloku evropian, por edhe Shtetet e Bashkuara, kanë kritikuar vendimin për dinarin, duke thënë se ai është marrë pa konsultime paraprake dhe pa marrë për bazë ndikimet negative që ka te komuniteti serb. Uashingtoni i ka kërkuar Kosovës që të shtyjë pezullojë vendimin, por deri më tani Qeveria e Kosovës nuk ka shfaqur sinjale se do të tërhiqet nga kjo rregullore.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Vëllai i Elon Musk viziton Italinë, takime me ministra dhe Melonin në kryeministri! Opozita: Palazzo Chigi duket si një zyrë satelitore, tregoni çfarë diskutuat

Vëllai i Elon Musk viziton Italinë, takime me ministra dhe Melonin në kryeministri! Opozita: Palazzo Chigi duket si një zyrë satelitore, tregoni çfarë diskutuat

24 Janar, 21:12