Heqja e dinarit serb, reagon Ministri gjerman i Mbrojtjes: Kosova ka të drejtë ta zbatojë ligjin, por duhet komunikim më i përshtatshëm

Ministri gjerman i Mbrojtjes, Boris Pistorius, në konferencën e përbashkët me presidenten Osmani ka folur edhe për rregulloren e BQK-së e cila përjashton dinarin si valutë për kryerjen e operacioneve me para të gatshme.

Ai tha se Kosova ka të drejtë ta zbatojë ligjshmërinë e saj, mirëpo për dinarin ai thotë se nevojitet të komunikohet në mënyrë më të përshtatshme.

“Jemi të vetëdijshëm që Kosova ka të drejtë të zbatojë ligjshmërinë e saj, por në deeskalim bën pjesë edhe masat legjitime për sa i përket vendosjes së Euros si valutë e vetme, mirëpo nevojitet që kjo të komunikohet në mënyrë më të përshtatshme, ashtu që askush mos të ketë frikë dhe mos ketë mosinformim”, tha Boris.

Lajmi kryesor:

Sulmi i 24 shtatorit në Banjskë, reagon Osmani: Për fat të keq, Serbisë nuk i janë shqiptuar masa nga ana e BE-së

S.S/Shqiptarja.com

TAG:
• gjermani
• Boris Pistorius
• nato
• serbi
• kosove
• Vjosa Osmani