Shqipëria dhe Kosova nuk do të kenë më kontrolle në kufi. Lajmi bëhet i ditur nga kryeministri Edi Rama, i cili thekson se kjo marrëveshje mes dy vendeve do të zbatohet për gjatë gjithë vitit, jo vetëm në periudhën e sezonit turistik.

‘Pushimet e para pa kufi mes Shqipërisë dhe Kosovës dhe kështu tash e tutje, përvit e për krejt vitin”, shkruan Rama.

Fillimisht ishte raportuar se marrëveshja për heqjen e kufijve do të zbatohej vetëm fundjavave edhe  ditët zyrtare të festave, por tashmë nuk do të ketë doganë mes dy vendeve. Marrëveshja mes dy vendeve u nënshkruar në mbledhjen e përbashkët mes dy qeverive në Prishtinë.