Heroinë në gjimnazet e Tiranës, goditet grupi kriminal, kush është vajza që shpërndante lëndën narkotike

Policia e Tiranës ka goditur një grup kriminal, që shpërndante lënë narkotike në gjimnazet e kryeqytetit. Në pranga kanë rënë tre persona, ku mes tyre është edhe një vajzë, e cila është kapur teksa shpërndante heroinë në një shkollë të mesme në 'Rrugën e Dibrës'. 

Policia ka sekuestruar 44 doza heroinë dhe 3 celularë, ndërsa përveç 26-vjeçares Gloria Hasaj, janë arrestuar dhe shtetasit Enri Manaj, 35 vjeç, dhe Marjus Filipi, 34 vjeç, të dy banues në Tiranë dhe të dënuar më parë për vjedhje.

Njoftimi i policisë:
Operacion policor nga seksioni i narkotikëve. Goditet një grup që shpërndante lëndë narkotike në afërsi të shkollave të mesme të kryeqytetit. Arrestohen në flagrancë 3 shtetas. Sekuestrohen doza me lëndë narkotike të llojit heroinë. Specialistët për hetimin e narkotikëve pranë D.V.P. Tiranë në kuadër të një operacioni policor arrestuan në kushtet e flagrancës shtetasit :

- Enri Manaj, 35 vjeç, banues në Tiranë ( i dënuar më parë për veprën penale “Vjedhje”)

LEXO EDHE:
Veliaj: Do rikthejmë Kavajën në PS! Ata që digjnin gjithë Shqipërinë, sot djegin njëri-tjetrin

- Marjus Filipi, 34 vjeç, banues në Tiranë ( i dënuar më parë për veprën penale “Vjedhje )

- Gloria Hasaj, 26 vjeçe, banuese në Tiranë

Në bazë të informacioneve të marra në rrugë operative se shtetasit e mësipërm në bashkëpunim me njëri - tjetrin kryenin aktivitetin e kundraligjshëm të shitjes së lëndëve narkotike në shkollat e mesme të kryeqytetit, nga seksioni i narkotikëve u organizua puna për kapjen e tyre në flagrancë. Shtetasit Enri Manaj dhe Gloria Hasaj janë konstatuar nga shërbimet e policisë para hyrjes të një shkolle të mesme në rrugën e “Dibrës” dhe gjatë kontrollit fizik të ushtruar ndaj shtetases Gloria Hasaj, i janë gjetur 5 doza të dyshuara me lëndë narkotike të llojit Heroinë e ndarë në porcione gati për t'u shitur.

Gjithashtu, gjatë kontrollit të ushtruar në banesën e shtetasit Enri Manaj (në të cilën ndodhej shtetasi Marjus Filipi dhe shtetasia e huaj filipinase C. M.), u gjetën dhe u sekuestruan 39 doza lënde narkotike e dyshuar Heroinë).

Janë sekuestruar në total në cilësinë e provës materiale:

- 44 doza lënde narkotike e dyshuar e llojit Heroinë

- 3 aparate celularë

Gjithashtu, në bashkëpunim me Drejtorinë e Kufirit dhe Migracionit, po kryhen veprimet përkatëse për dëbimin e shtetases filipinase, pasi u konstatua se po qëndronte pa leje qëndrimi në teritorrin e Republikës të Shqipërisë.

Materialet proceduriale iu referuan Prokurorisë pranë Gjykatës së Shkallës së Parë Tiranë për veprime të mëtejshme hetimore për veprën penale të “Prodhimit dhe shitjes së lëndëve narkotike në bashkëpunim” të parashikuara nga neni 283/2 i Kodit Penal në ngarkim të shtetasve Enri Manaj, Marjus Filipi dhe Gloria Hasaj.

TAG:
• Tirane
• heroine ne shkolla

Sondazhi i ditës:

Censi 2023, popullsia u tkurr me 419 mijë në 12 vite, cili është shkaku?

• Emigrimi

  78.9%

• Lindshmëria

  17.4%

• Vdekshmëria

  3.8%

Vota total: 2247

Votat totale janë unike

• Sondazhi i ditës:

  Censi 2023, popullsia u tkurr me 419 mijë në 12 vite, cili është shkaku?

  Emigrimi Lindshmëria Vdekshmëria