Shkodrani Bekim Balaj tha se ‘Kushtet atmosferike na favorizuan ne, pasi mbrëmë po humbnim një ndeshje që e kishim nënë kontroll. Mbrëmë kur e nisëm ishim mjaft mirë dhe fatmirësisht e mbyllëm me fitore.
Jam i kënaqur për golin e parë në këto eliminatore. Shpresoj që të vazhdoj kështu edhe në ndeshjet e tjera” tha sulmuesi.
Ndërsa Armando Sadiku, që shënoi golin e parë mbrëmë në Shkodër theksoi se kombëtarja po bën një punë shumë të mirë.
“Ishim pak në stres pas stuhisë, por fatmirësisht shënuam dhe fituam ndeshjes. Dje e kishim në kontroll ndeshjen dhe nuk donim të humbnim pikë.
Jam i lumtur me golin që shënova mbrëmë, ndërsa sot u gëzova më shumë sepse ishte goli i tre pikëve” përfundoi ai.
d.b/shqiptarja.com