Hetim fondacionit të Donald Trump
dyshimi për donacione të paligjshme

Prokuroria e përgjithshme e New York ka hapur një hetim mbi fondacionin e kandidatit republikan Donald Trump.
 
Këto masa ndaj manjatit të pasurive të patundshme janë ndërmarrë me qëllimin për të verifikuar nëse respektohet ligji mbi të ardhurat.
 
Një vendim i tillë erdhi pasi ishin pikërisht mediat te vilat kishin nisur të flisnin për disa kontradikta financiare të Trump.
 
“Besojmë se ndoshta Fondacioni Trump është përfshirë në operacione të paligjshme” u shpreh prokurori Shnaiderman.

Ndërkohë edhe universiteti Trump është në qendër të hetimeve akuzuar për mashtrim. 

Mes shumë çështjeve pjesë e hetimeve është edhe denoncimi i partisë demokratike sipas së cilës manjati i ka paguar nga fondacioni 25 mijë dollarë prokurorit i cili pak ditë para hetimit ishte shprehur se nuk do ti bashkohej cështjes mbi universitetin Trump.
 
Por nga ana tjetër kampi i kanidatit është mbrojtur duke thënë se kjo është një goditje e ulët nga kundërshtarët pasi prokurori i cili po merret me çështjen është një partizan i partisë demokratike dhe ka shprehur mbështetjen e tij për kandidaten Clinton.
 
Ndërkohë sa i përket shëndetit të ish sekretares kjo e fundit bëri me dije se do t’i rikthehet fushatës ditën e nesërme.

Redaksia Online
Al.N/Shqiptarja.com