Prokurorja e Përgjithshme e Nju Jorkut Letitia James ka lëshuar së fundmi një fletëthirrje ndaj ish-Presidentit Donald Trump dhe dy fëmijëve të tij më të mëdhenj, për të dëshmuar në lidhje me një hetim civil në vazhdim e sipër, mbi praktikat e biznesit të familjes së tij.
Fletëthirrjet drejtuar zotit Trump, djalit të tij, Donald Trump Jr dhe vajzës Ivanka Trump, rrjedhin nga një hetim "mbi vlerësimin e pasurive në pronësi ose të kontrolluara" nga zoti Trump si dhe kompania e tij, Organizata Trump.
Agjencia ‘Associated Press’ njoftoi se ka kërkuar komente mbi këto zhvillime nga avokatët e familjes Trump dhe zonja James.
Përpjekja e Prokurores të Përgjithshëm për të siguruar dëshmi nga ish-presidenti u njoftua në dhjetor. Ajo çka është e re në dosjen gjyqësore të bërë publike të hënën është fletëthirrja drejtuar Ivanka Trump-it dhe Donald Trump Jr-it.
Familja Trump pritet të paraqesë një ankimim në përpjekje për t’i anuluar fletëthirrjet, duke nisur një luftë ligjore e ngjashme me atë që u zhvillua vitin e kaluar pasi zyra e zonjës James thirri një tjetër nga djemtë e zotit Trump.
Muajin e kaluar zoti Trump paraqiti një padi ndaj zonjës James, duke kërkuar t'i jepej fund hetimit, pasi Prokuroria e Përgjithshme i kërkoi atij të paraqitej për të dëshmuar më 7 janar. Në padinë e zotit Trump, paraqitur në gjykatën federale, pretendohet se hetimi ka shkelur të drejtat e tij kushtetuese në një "përpjekje të fshehtë për ta dëmtuar publikisht atë (Trump-in) dhe bashkëpunëtorët e tij".
Zonja James, një përfaqësuese e Partisë Demokrate, ka shpenzuar më shumë se dy vjet duke analizuar nëse Organizata Trump ka mashtruar bankat apo administratën e taksave në lidhje me vlerën e pasurive të tij, duke i fryrë ato për të siguruar kushte të favorshme kredie ose duke i minimizuar, për të përfituar ulje nga taksat.
Hetuesit morën në pyetje vitin e kaluar një nga djemtë e zotit Trump, drejtuesin ekzekutiv të Organizatës Trump, Eric Trump. Fillimisht avokatët e tij e anuluan dëshminë e planifikuar, por pas një vendimi gjykate Eric Trump u detyrua të dëshmonte.
Megjithëse hetimi civil është i ndarë nga një hetim penal që po drejtohet nga zyra e prokurorit të qarkut të Manhatanit, zyra e zonjës James ka qenë e përfshirë në të dyja. Në fillim të këtij viti, ish-Prokurori i qarkut Cyrus Vance Jr. siguroi qasje tek të dhënat tatimore të manjatit të pasurive të paluajtshme pas një beteje shumëvjeçare e cila përfundoi dy herë në Gjykatën e Lartë./ VOA
Komente
Lajme të tjera
-
Ambasadori amerikan Hovenier përfundon mandatin: Po largohem si një mik i fortë i Kosovës
27 Dhjetor, 11:03 -
Zëvendësministri rus paralajmëron: Moska po shqyrton opsionet nëse SHBA vijon me testin bërthamor
27 Dhjetor, 09:54 -
Putin: Biden propozoi shtyrjen e pranimit të Ukrainës në NATO në 2021
27 Dhjetor, 09:03 -
Universitetet amerikane u bëjnë thirrje studentëve të huaj të kthehen përpara inaugurimit të Trump
27 Dhjetor, 08:51 -
Ministrat e kryeministrit kanadez Trudeau në Florida për bisedime me ekipin e Trump
27 Dhjetor, 07:57 -
Donald Trump tallet përsëri me kryeministrin Trudeau dhe 'emëron' ish-lojtarin e hokejit si guvernatorin e ri të Kanadasë!
26 Dhjetor, 19:08 -
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Pesë pyetje për 2025-ën
26 Dhjetor, 08:23 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44
