Drejtori i komanduar i Drejtorisë së Policisë Elbasan, Altin Qato, ka shmangur përgjegjësinë nga policia në lidhje me nxjerrjen e emrave të 67 biznesmenëve elbasanas të cilët janë vënë në hetim pasuror. 

I pyetur nëse a është Drejtoria e Policisë Elbasan pjesë e këtij hetimi Qato u përgjigj: “Ne nuk i tejkalojmë normat e hetimit. Të dhënat dalin nga hetimet. Ne nuk kemi nxjerrë emra”.

Në kushtet kur kryepolici i komanduar i Elbasanit, Altin Qato mohon që të jetë policia ajo e cila ka nxjerrë emrat e 67 biznesmenëve, mes të cilëve edhe Petrit Çela, një gjë e tillë mund të ketë rrjedhur nga burime të Drejtorisë së Tatimeve ose nga burime hetimore të Prokurorisë së Elbasanit. 

Redaksia Online
l.q/Shqiptarja.com