Hetimi i SPAK, Meta sulmon Krajën: Spurdhjaku i partisë ka vendosur që t’i shërbejë mafias së inceneratorëve! Karagjozë të ‘Ramaformës’

Pas hetimeve që SPAK po kryen ndaj Ilir Meta, për të cilin sot i ka kërkuar KQZ-së formularin e dekriminalizimit, kreyatri i Partisë së Lirisë ka reaguar ashpër.

Meta ka sulmuar kreun e SPAK, Arben Krajën duke e quajtur ‘spurdhjaku i partisë’ ndërsa shton se ka vendosur që t’i shërbejë hapur mafies së inceneratorëve. Ai ka publikuar një kërkesë tjetër të SPAK drejtuar Drejtorisë së Përgjithshme të Gjendjes Civile, të cilën Meta e cilëson si ‘kërkesë nga karagjozët më të mëdhenj të Ramaformës’. Kryetari i Partisë së Lirisë, ka paralajmëruar se shtatori po vjen dhe se Drejtësia e Popullit, nuk do të ndalet më dhe se Ramoviçin asgjë nuk e shpëton.

‘Meqënëse spurdhjaku i partisë ka vendosur t'i shërbejë hapur mafies së inceneratorëve në panik ju lutem njihuni edhe me një kërkesë tjetër serioze për karagjozët më të mëdhenj të Ramaformës. Shtatori po vjen dhe Drejtësia e Popullit nuk do ndalet më! Ramoviçin asgjë nuk e shpëton dot më!’- shkruan Meta.

LEXO EDHE:
Ylli Pata: Skema sekrete e opozitës anti-SPAK, kush do të jetë dyshja e 're' për 2025-n

Lajmi kryesor:

Hetimi i Metës për lobimin në SHBA, SPAK i kërkon KQZ-së formularin e dekriminalizimit! Ish-presidenti: Kraja, spurdhjak i partisë

M.Q./Shqiptarja.com

TAG:
• Ilir Meta
• skandali i lobimit te LSI