POP 5

Lajmet më të lexuara të 5 minutave të fundit

Bota

Hetimi i ‘The Guardian’: Telefoni i Jeff Bezos i hakeruar nga Bin Salman pesë muaj para vrasjes së gazetarit Khashoggi

Regjimi Saudit më parë ka mohuar se ka shënjestruar telefonin e themeluesit dhe pronarit të ‘Amazon’ dhe të ‘Washington Post’

Hetimi i ‘The Guardian’: Telefoni i Jeff Bezos i hakeruar nga Bin Salman pesë muaj para vrasjes së gazetarit Khashoggi

Telefoni i Jeff Bezos, shefit të ‘Amazon’ dhe pronarit të ‘Washington Post’, u hakerua nga princi i kurorës Saudite, Mohammed Bin Salman, pesë muaj para vrasjes në vitin 2018 të gazetarit të opozitës Saudite Jamal Khashoggi, një bashkëpunëtor i gazetës amerikane. Kjo u zbulua nga një hetim i kryer nga ‘The Guardian’. Regjimi Saudit më parë i kishte mohuar akuzat se kishte të shënjestruar telefonin e Bezos.

Hetimi i 'The Guardian' shpjegon se si ndodhi hakerimi bazuar në burimet e tij të anonimatit.

Më 1 maj 2018 Bezos mori një mesazh përmes ‘WhatsApp’ mesa duket dërguar nga llogaria personale e Bin Salman, me të cilën manjati amerikan atë kohë po kalonte një shkëmbim të përzemërt bisedash në internet. Mesazhi përfshinte një skedar video "të infektuar", i cili më pas do të shkarkohej në celularin e Bezos dhe do të nxirrte një sasi të madhe të të dhënave brenda disa orëve. ‘The Guardian’ deklaron se nuk e di se çfarë të dhënash janë vjedhur dhe si janë përdorur.

Jamal Khashoggi, gazetar në ‘Washington Pos’t dhe disident i regjimit Saudit, u vra në konsullatën e mbretërisë arabe në Stamboll. Në shkurt të vitit 2019, tabloidi amerikan ‘National Enquirer ‘publikoi foto dhe mesazhe private të Bezos që çuan në zbulimin e marrëdhënies së tij jashtëmartesore. Mbi origjinën e këtij materiali, mbetën pyetje të pazgjidhura, por pikërisht nga ajo histori nisën dhe hetimet dhe dyshimet se telefoni i Bezos ishte hakeruar.

Dhjetorin e kaluar, një gjykatë saudite dënoi tetë persona, të cilët dyshohet se ishin të përfshirë në vrasjen e gazetarit Jamal Khashoggi.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Mars, 23:36

    Zgjedhjet e 11 majit, a i besoni premtimet e partive?

Lajme të tjera



×

Lajmi i fundit

'Duhet thithur uji i kënetës', Rama takim me shtabin elektoral në Kombinat: T'i çlirojmë demokratët që duan, me të tjerët merret Luli

'Duhet thithur uji i kënetës', Rama takim me shtabin elektoral në Kombinat: T'i çlirojmë demokratët që duan, me të tjerët merret Luli

25 Mars, 23:10