Komisioni Hetimor i Shëndetësisë dështoi për të dytën ditë radhazi për të marrë dëshminë e ish-ministrit Ilir Beqaj, në lidhje me koncesionet e sterilizimit dhe Check Up.
Nuk munguan debatet, tensionet dhe akuzat deri në fyerje mes palëve dhe pretendimet e deputetëve të opozitës për intimidim dhe kërcënim nga ish-ministri, që hyri në sallën e Komisionit dhe u kërkoi deputetëve ta lejonin të fliste sepse kishte mbi 14 orë që priste aty.
Ky moment u kthye në “mollë sherri” dhe është zhvendosur aktualisht edhe në Kuvend. Beqaj pretendon se është tallur dhe fyer, duke iu nëpërkëmbur dinjiteti, por PD e cilësoi si një “hajdut dy metra” që lëvizi i lirë korridoreve të Kuvendit dhe kërcënonte deputetët e opozitës.
Ditën e djeshme (13 nëntor), mbledhja nisi në orën 10:30 dhe përfundoi në 01:30 të mëngjesit të sotëm (14 nëntor) dhe në fund nuk u lejua që Beqaj të dëshmonte, pasi opozita kërkonte dakordësi që të pyetej edhe kryeministri Edi Rama dhe biznesmenia Vilma Nushi, që nuk u dha prej mazhorancës.
Gazetarja e Report TV, Esiona Konomi, informoi edhe dinamikën e asaj çfarë ndodhi më pas.
Në orën 01:30 të mëngjesit, pasi palët nuk ranë dakord, Komisioni rifilloi dhe opozita kërkoi që Ilir Beqaj të largohej, të kthehej në qeli, sepse i kishte përfunduar leja dhe kishin hyrë në datën 14, duke qenë jashtë afatit.
“Në këto momente, Ilir Beqaj hyri për pak çaste në Komision, teksa po fliste Ina Zhupa dhe i tha se kush je ti që më thua se unë duhet të iki, unë nuk do iki!”, informon Konomi.
Në këtë çast ndërhyn edhe deputeti Edmond Spaho, por Beqaj bëhet me dije se i është kthyer duke i thënë “mbylle gojën!”. Dhe kjo u cilësua si një kërcënim nga deputetët e opozitës në sallë, duke ndërprerë menjëherë mbledhjen dhe duke e quajtur shantazh ndaj deputetëve një i paraburgosur. Policia është urdhëruar të kthente në qeli Beqajn.
Pasi kamerat janë fikur dhe mbledhja u mbyll, deputetja Vokshi dhe Zhupa kanë shkuar te salla ku qëndronte Ilir Beqaj dhe janë konfliktuar me oficerët e Policisë së Burgjeve. Ato kërkuan që Beqaj të kthehej në qeli, por oficerët i kanë thënë se duhet të merrnin urdhër për këtë. Vokshi është përgjigjur se urdhrin e jep Kuvendi për kthim në qeli, kurse Zhupa telefonoi Gardën, e duke i thënë se ndihej e pasigurt dhe e kërcënuar nga prania në Kuvend e zotit Beqaj.
Në këto çaste Policia ka vepruar duke e larguar Beqajn dhe pas kësaj u larguan edhe dy palët politike nga Kuvendi. Teksa mëngjesin e sotëm erdhi edhe reagimi i ish-ministrit, që mohoi kërcënimet ndaj deputetëve dhe pretendoi se ishte lënë mbi 14 orë në pritje, duke u fyer dhe tallur nga deputetët e opozitës. Beqaj pretendon se leja nuk varet nga koha, por nga procedura e çështjes përkatëse dhe nuk ka kufi. Ai tha se ka qëndruar vetëm një hap larg komisionit dhe se ishte ndjerë nën presion. Edhe avokati i Beqajt ka pretenduar se është ndjerë i sulmuar dhe shantazhuar nga deputetët e opozitës, duke bërë edhe ankim në Dhomën e Avokatisë.
Gazetarja Konomi sqaroi se afati i Komisionit mbyllet sot në mesnatë dhe nëse ka persona për t’u pyetur duhet të merren sot. Kjo, nëse Parlamenti nuk merr vendim të dytë për ta zgjatur për së treti afatin e Komisionit (PD pretendon edhe 3 javë të tjera). Në këto rrethana afati në mesnatë mbyllet dhe Komisioni përfundon, dukshëm pa dëshmitë e kërkuara nga opozita.
Lajme të tjera
-
Vrasja e 14-vjeçarit bëhet ‘mollë sherri’ në Kuvend/ Zhupa: Ministrja e Arsimit të japë dorëheqjen me turp, përgjegjës dhe ai i Brendshëm! Manastirliu: Të mos promovojmë gjuhën e urrejtjes
18 Nëntor, 15:21 -
Konçesioni Check-Up hedh në gjyq Albana Vokshin!
18 Nëntor, 15:04 -
Motra e Albana Vokshit, kompani me vetëm 1 punëmarrës në tatime, vajzën e vet, e fitim 627 milionë lekë të vjetra për 10 muaj! Institucionet po gjurmojnë pastrimin e parave (DOKUMENTET)
18 Nëntor, 10:17 -
PD s’lejoi dëshminë e Beqajt te Hetimori i Shëndetësisë, avokati paralajmëron padi në Strasburg: Trajtim çnjerëzor, s'e lanë të flasë! Kishin frikë të shihnin provat që s’i ka gjykata
17 Nëntor, 10:49 -
‘Dështimi’ i Hetimorit të Shëndetësisë, Logu në Report Tv: PS e kishte të qartë që do bllokojë punën! Bala: Ligji nuk e përcakton si të dëshmonte Beqaj
15 Nëntor, 17:56 -
Skadoi afati/ Komisioni hetimor në Shëndetësi dështoi, Albana Vokshi akuzon PS për sabotazh
15 Nëntor, 13:48 -
Mero Baze: Zonja “Dy metra e gjerë” përballë zotrisë 'dy metra i gjatë'
15 Nëntor, 07:20
-
Manual se si degradojnë komisionet hetimore parlamentare
14 Nëntor, 17:32
-
Zhvendoset në Kuvend debati për Komisionin Hetimor të Shëndetësisë, i mbaron afati! PD: Shtyjeni 3 javë! PS: Teatër
14 Nëntor, 09:13 -
Sherr në orën 1 pas mesnate tek Hetimori i Shëndetësisë/ Beqaj futet në sallë, përplaset me deputetët PD! Zhupa: Po kërcënon! Vokshi: Urgjent kthejeni në burg! Ish ministri - Spahos: Ti mbylle gojën
14 Nëntor, 08:25 -
Hetimori i Shëndetësisë/ Beqaj reagon nga qelia: Deputetët e PD më tallën dhe fyen për mbi 14 orë, s’mund të lejoj nëpërkëmbjen e dinjitetit! S’kërcënova askënd, nuk më lejuan të dëshmoj
14 Nëntor, 08:00 -
Hetimori i Shëndetësisë/ Dështon për të dytën radhë dëshmia e ish-ministrit Ilir Beqaj, afati mbyllet sot në mesnatë! Debate dhe akuza, po tani çfarë do të ndodhë?
14 Nëntor, 07:39
