Hetimet në komisionin parlamentar, për opozitën kanë zbuluar se skandali i abuzimeve në sistemin TIMS është edhe më i madh sesa vetëm dalja e të dhënave. Kreu i komisionit Ervin Salianji, për Report Tv, pretendon se në sistem kanë pasur akses edhe persona me rekorde kriminale dhe për këtë thotë se janë konfirmuar raste konkrete të personave të shpallur në kërkim që kanë kaluar kufirin, për shkak të manipulimit të sistemit edhe përmes korruptimit të zyrtarëve të lartë të policisë së shtetit.
“Ajo që mund t’ju them pa cituar asnjë nga sekreti hetimor është se është e konfirmuar tanimë se sistemi TIMS i policisë së shtetit mund të cedojë plotësisht duke mos regjistruar të dhënat e personave konkret, të paktën në disa raste e kam të konfirmuar me dokumentacion zyrtar që nëse një person në kërkim pavarësisht se paraqitet në pikën e kalimit kufitar dhe inspektori i policisë e kryen detyrën me përpikmëri duke e skanuar pasaportën për të bërë të mundur që të dalin të dhënat, për këtë person nuk del asnjë e dhënë sepse ose ka korruptuar persona që drejtojnë policinë e shtetit, ose ka paguar, ose ka lidhje politike. Por është e konfirmuar tani më se sistemi TIMS cedon në rastet e kalimit kufitar, duke bërë të mundur potencialisht kalimin e grupeve kriminale, ose personave që duan të thyejnë afatin 90 ditor që parashikon qëndrimi në zonën Shengen”, tha Salianji.
Dëshmitë e ministrit të brendshëm Taulant Balla, drejtorit të Policisë Muhamet Rrumbullaku, apo edhe të ish-drejtorit të IT në policinë e shtetit Ervin Mucës, që zgjatën për 12 orë me dyer të mbyllura, Salianji thotë se kanë qenë në disa raste kontradiktore. Ndërsa flet për identifikimin e personave konkret që kanë pasur akses të paautorizuar në sistemin TIMS, por pa përmendur emra, pasi sipas tij duhet ruajtur sekreti hetimor.
“Së pari kemi Identifikuar që ka persona të paautorizuar që nuk kanë lidhje me policinë e shtetit që kanë pasur akses në sistemin TIMS. Është njësoj sikur ju nga zyra juaj të keni akses në sistemin TIMS, apo një berber nga shtëpia e vet të mund të ketë akses në sistemin TIMS për shkak të lidhjeve që mund të ketë me policinë e shtetit. Janë të verifikuara të dyja rastet që janë të llahtarshme në këndvështrimin tim, dhe kjo ka përgjegjësi konkrete, persona konkret të cilët janë përgjegjës për këtë situatë.
Deputeti i Rithemelimit, nënkryetar i grupit parlamentar demokrat, thotë se shkeljet janë pranuar në dëshmitë me dyer të mbyllura edhe nga ministri Balla apo kryepolici Rrumbullaku, të sipas tij i kanë cilësuar “gabime njerëzore”
“Po kanë pasur dijeni, në raste të caktuara, dhe kanë thënë në komision pa përmendur emrin e dëshmitarit që “po gabime njerëzore janë”. Justifikimet kanë qenë këto”, vijon ai.
Të dhënat e sistemit TIMS thotë Salianji kanë dalë edhe në “Treg të zi” duke u shitur kundrejt pagesës.
“Këto që kemi dëgjuar janë llahtar. Ka pretendime se të dhënat e sistemit tims mund të vihen lehtësisht në dispozicion të personave të paautorizuar kundrejt pagesës. Ka referime që gjenden lehtësisht”
Të dhënat e siguruara nga komisioni hetimor deri më tani, Salianji thotë se janë objekt i punës së SPAK, me raste të zyrtarëve të kanë shpërdoruar rëndë detyrën.
Seanca e radhës së komisionit hetimor të TIMS do të mbahet më datë 10 qershor në orën 14:00. Në këtë seancë do të thirren për të dëshmuar Ardit Muço, ish Përgjegjës i Sektorit IT në Policinë e Shtetit; Besjan Tanuzi, Ish Drejtor i Sistemeve, në Policinë e Shtetit; Ervina Gjana, Drejtore e Krimit Kibernetik, në Policinë e Shtetit, si persona që mund të kenë dijeni për rrjedhjen e të dhënave nga sistemi TIMS. Ardit Muço është personi I cili ka denoncuar fillimisht për ndërhyrje të mundshne duke njoftuar me email edhe eprorët e tij, për exportimin e të dhënave në disqe të jashtme.
Komente
Lajme të tjera
-
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Ervin Salianji: Rama si Hibatullah Akhundzada! Për kushtetutë imponon karakterin e tij, për qeveri personalitetin e tij
15 Dhjetor, 14:01
-
PD feston 34-vjetorin, Berisha ‘thur lavde’ për dhëndrin, Metën dhe ish-‘miqtë’ e tij të ndjerë Olldashi, Pashko, Hajdari dhe Bogdani
11 Dhjetor, 20:57 -
PD përkujton 34-vjetorin e themelimit, Salianji mesazh nga qelia: Do jemi bashkë për të festuar triumfin e së mirës mbi të keqen
11 Dhjetor, 20:18 -
Ervin Salianji letër nga qelia: Hipokrizia me 8 Dhjetorin, ka festë por s’ka rini!
7 Dhjetor, 11:43
-
U dënua me 1 vit burg për kallëzim të rremë, Salianji bën rekurs në Gjykatën e Lartë
4 Dhjetor, 16:31 -
Ervin Salianji: Ndjesë për Sami Repishtin, dhe një porosi për demokratët
1 Dhjetor, 12:48
-
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Ervin Salianji u dënua me 1 vit burg, Ja vendimi i arsyetuar i gjykatës së Apelit për ish-deputetin e PD-së
18 Nëntor, 13:01 -
Apeli zbardhi vendimin, Ervin Salianji reagon nga Burgu i Fierit: Gjykata na mëson se si bëhet politikë, asnjë provë dhe argument ligjor! 50 ditë në burg me urdhër të Ramës
18 Nëntor, 11:42
Ky SALIANUSI nuk ka faj se beri Babalen dhe nuk e gjeti gje.
Përgjigju