Hezbollahu godet një fushë futbolli në Izrael, 10 viktima, fëmijë dhe adoleshentë! 30 të vrarë nga sulmet izraelite në një shkollë në Gaza

Dhjetë persona, mes tyre fëmijë, u vranë të shtunën në një sulm me raketa në një fushë futbolli në Lartësitë e Golanit të kontrolluara nga Izraeli, njoftoi rrjeti izraelit N12 News. Ky është incidenti më i rëndë përgjatë muajve të fundit të shkëmbimeve të zjarrit mes Izraelit dhe grupeve të armatosura në Liban.

Ushtria izraelite tha se raketa u hodh nga grupi militant libanez Hezbollah. Grupi i mbështetur nga Irani mohoi çdo përfshirje në sulm, i cili dukej se do të marrë një përgjigje të ashpër nga Izraeli. Autoritetet izraelite thanë më herët se nëntë persona u plagosën rëndë nga një raketë e lëshuar nga Libani që goditi një fushë futbolli në fshatin Druze të qytetit Majdal Shams. Një mjek foli për shkatërrim të madh dhe zjarr në vendngjarje.

Sulmi në fushën e futbollit pasoi një sulm izraelit në Liban që vrau katër militantë të shtunën. Dy burime sigurie në Liban thanë se katër luftëtarët e vrarë në sulmin izraelit në zonën Kfarkila në Libanin jugor ishin anëtarë të grupeve të ndryshme të armatosura, ku të paktën njëri prej tyre i përkiste Hezbollahut.

LEXO EDHE:
Izraeli dhe Hamasi akuzojnë njëri-tjetrin për dështimin e një marrëveshjeje armëpushimi

Hezbollahu mori përsipër të paktën katër sulme, përfshirë sulme me raketa “Katyusha”, në shenjë hakmarrje për sulmet në Kfarkila. Megjithatë, përfaqësuesi i lartë i mediave të Hezbollahut, Mohammad Afif, mohoi përgjegjësinë për sulmin ndaj qytetit Majdal Shams.

Izraeli pushtoi Lartësitë e Golanit nga Siria gjatë luftës në Lindjen e Mesme në 1967 dhe i aneksoi ato në 1981. Që nga nisja e luftës në Gazë, Izraeli dhe Hezbollahu kanë kryer sulme të ndërsjella të përditshme. Nga fillimi i tetorit, sulmet ajrore izraelite në Liban kanë vrarë më shumë se 450 vetë, shumica anëtarë të Hebzbollahut, por po ashtu rreth 90 civilë dhe jo luftëtarë. Nga pala izraelite janë vrarë 21 ushtarë dhe 13 civilë.

30 të vrarë nga sulmet izraelite në një shkollë në Gaza

Sulmet ajrore izraelite goditën një shkollë në Gazën qëndrore ku strehoheshin të zhvendosurit palestinezë, duke vrarë dhjetëra njerëz.

Të paktën 30 persona të strehuar në një shkollë vajzash në Deir Al-Balah u dërguan në spitalin Al Aqsa dhe u shpallën të vdekur pas një sulmi që ushtria izraelite tha se kishte si objektiv një qendër komandimi dhe kontrolli të Hamasit që përdorej për ruajtjen e armëve dhe planifikimin e sulmeve. Shtatë nga të vrarët ishin fëmijë.

Sulmi i së shtunës ndodhi ndërsa negociatorët përgatiteshin të takonin ndërmjetësuesit ndërkombëtarë për të diskutuar propozimin për një armëpushim në Gazë. Zyrtarë nga SHBA, Egjipti, Katari dhe Izraeli pritet të takohen të dielën në Itali lidhur me negociatat.

TAG:
• lufta ne rripin e gazes
• Hezbollah

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1494

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq