Pas 2 viteve Vermoshi do të ketë kishën e re, më të bukurën në Shqipëri, kishën e Shën Gjonit. Kisha aktuale, me të njëjtin emër, u ndërtua mes viteve 1995-96 në sajë të kontributit të banorëve të zonës, ndërkohë që ajo e vjetra, pas vitit 1967, u keqtrajtua gjatë monizmit deri në shkatërrimin e plotë të saj.
Sot, u vendos guri i parë në themelet e kishës së re, e cila do të ndërtohet nga e para sipas kritereve që i përshtaten një objekti kulti.
Deri tani janë paraqitur 5 projekte, ku fitues është njëri prej tyre i paraqitur nga inxhinieri-projektues Klaud Luka.
Gjithë fondi, mbi 700.000 $ është kontribut i diasporës, kryesisht i anëtarësisë së Shoqatës "Vermoshi" në USA, aty ku dhe kanë emigruar prej dekadash bijtë e kësaj zone. Iniciatori i sigurimit të fondit ishte famullitari i Kelmendit Viktor Demaj, i cili ndërmori një sërë takimesh me diasporën në kontinentin e largët.
Gatishmëria e tyre ka qenë e madhe, falë dhe lidhjeve të forta me vendlindjen. E të mendosh se kontribuuesit janë brezi i tretë i diasporës që është lindur e rritur në USA, kjo dëshmon mrekullinë e kësaj kishe për të hyrë në zemrat e tyre.
Diaspora nga Vermoshi ka kontribuar edhe për mjaft familje në nevojë, ndërtim urash, ç’ka e rendit Malësinë e Madhe në bashkitë e para ku shtegtarët investojnë për komunitetin e tyre. Mesha sot në kishën e Shën Gjonit ishte tejet e veçantë.
Gjovalin Vukaj foli në emër të kryesisë së shoqatës "Vermoshi" në USA ku theksin e vuri tek e kaluara dhe e tashmja, pandashmëria mes tyre dhe roli i shqiptarëve që jetojnë larg atdheut, kryetari i Bashkisë Malësi e Madhe, Tonin Marinaj vuri në dukje kontributet e vazhdueshme dhe roli i diasporës në zhvillimin e zonës, Mon. Ipeshkv Shkodër -Pult Angelo Masafra ndër të tjera theksoi forcën e besimit dhe vëllazërimit mes shqiptarëve.
Në mënyrë simbolike, klerikët së bashku me përfaqësuesit e diasporës dhe banorët e zonës vendosën gurin e parë të themelit të kishës së re, e cila do të ndërtohet në oborrin e kishës aktuale. Më tej aktiviteti u vijua me një program artistik nga shoqata e njohur kulturore "Jehona e Kelmendit", me udhëheqëse Dila Vaçaj.
Lajme të tjera
-
Malësi e Madhe/ U godit nga gurët e rënë teksa priste dru në mal, humb jetën 36-vjeçari
24 Tetor, 20:36 -
FOTOT/ ‘Kartolinë’ nga Lëpusha, pamjet mbresëlënëse që dhuron vjeshta
23 Tetor, 08:37 -
FOTOT/ Ja si duket pas rikonstruktimit shkolla ‘Muhamet Hasmuja’ në Malësi të Madhe
19 Shtator, 08:53 -
Plagosja e dyfishtë në Malësinë e Madhe, Gjykata lë në burg autorin: Qëllova për vetëmbrojtje, më ka ruajtur Zoti
18 Shtator, 11:36 -
Plagosja e dyfishtë në Malësi të Madhe, dëshmia e autorit: Më rrahën nipin, mendova se kishin armë me vete dhe do më vrisnin
16 Shtator, 11:02 -
Malësi e Madhe/ Tentoi t’i vidhte bagëti nën kërcënimin e armës, arrestohet 27-vjeçari
14 Shtator, 09:10 -
VIDEO/ Droni kap ‘mat’ kultivuesin e kanabisit në Malësi të Madhe, vihet në pranga
8 Shtator, 10:22 -
Malësi e Madhe/ Kultivuan 561 rrënjë kanabis në një tokë publike, në pranga 3 të rinj! Ja pamjet kur mbjellin plantacionin me drogë (EMRAT+VIDEO)
30 Gusht, 10:01 -
Operacioni antikanabis vijon në Malësi të Madhe e Shkodër, në total asgjësohen 1800 fidanë
23 Gusht, 10:37 -
Asgjësohen 4 parcela me 2848 bimë kanabisi në Shkodër! Në kërkim 48-vjeçari
21 Gusht, 11:10 -
U kapën me 332 kg kanabis dhe kultivuan 32 mijë rrënjë narkotike në 2022, SPAK dërgon për gjykim grupin kriminal prej 23 personash në Malësi të Madhe
21 Gusht, 09:37 -
Malësi e Madhe/ Kultivuan kanabis në fshatin Selcë, vihen dy persona në pranga (EMRI)
20 Gusht, 13:56
