Hidhet mjet shpërthyes afër makinës së policisë në veri të Kosovës

Pak minuta më parë është hedhur një mjet shpërthyes në Lagjen e Boshnjakëve në Mitrovicën e Veriut.

Sipas TV1, shpërthimi ka qenë mjaft i fuqishëm teksa u tha se në momentin e shpërthimit prezent kanë qenë edhe pjesëtarët e Policisë së Kosovës, përveç ekipit të këtij televizioni. Megjithatë, për fat të mirë nuk është lënduar askush.

“Shpërthimi ishte i fortë. Nuk kemi arritur të shohim ata që e gjuajtën, por në momentin e shpërthimit ishin afër edhe Policia. Nga ajo çka mund të shihnin ata ishin diku 5-6 persona të organizuar të cilët e hodhën mjetin e fortë shpërthyes”, tha gazetari që ishte prezent aty, bashkë me ekipin e atij televizioni.

Lajmi kryesor:

Tensionet në veri të Kosovës, hidhet mjet shpërthyes afër makinës së policisë! EULEX: Po qarkullojnë individë me armë dhe të maskuar

M.Q./KT/Shqiptarja.com

TAG:
• tensione ne veri te kosoves
• Kosovë – Serbi
• Albin Kurti
• Petar Petkoviç