Hiqet nga 'Documenta', murali që zemëroi izraelitët! Dorëhiqet drejtoresha, autori: Vepra u bë monument

Pas reagimeve për disa vepra arti me elementë antisemitik të ekspozuara në Kassel të Gjermanisë, është dorëhequr Sabina Schormann, drejtoresha e Documenta-s. E konsideruar si një nga ngjarjet më me peshë të artit bashkëkohor, Documenta mbahet një herë në 5 vjet.

E kësaj here e çelur në qershor, ajo që nxiti polemikat më të forta ishte murali i grupit të artistëve indonezian Taring Padi. Në kompozim të veprës, shfaqet një ushtar me fytyrë derri, një shall me yllin e Davidit dhe dhe një përkrenare të zbukuruar me mbishkrimin Mossa, si dhe të tjerë elementë që janë asociuar me hebrenjtë. Pas kritikave të forta të ardhura nga ky komunitet dhe vetë ambasada izraeliane, vepra u hoq.

Para se të hiqej  grupi i Taring Padi kishte mbuluar veprën me një perde të zezë dhe shkruajtën  “në shenjë respekti dhe me keqardhje, mbulojmë punën tonë që është konsideruar si fyese, veçmas në këtë kontekst në Gjermani”

Ndërsa në rrjetet sociale, ata shtuan: ‘Vepra u bë tashmë një monument për dhimbjen dhe për pamundësinë e dialogut. Urojmë që ky monument të konsiderohet si pikënisje për dialog”.

M.Q./Shqiptarja.com

TAG:
• Izrael
• Sabina Schormann