Historia/ Dy vëllezër investojnë miliona euro në klubin e fshatit, nga liga e nëntë kërkojnë Premier League në Angli

Historia/ Dy vëllezër investojnë miliona euro në klubin e fshatit, nga liga e nëntë kërkojnë Premier League në Angli

Stadiumi Real Bedford FC

ANGLI - Ylli amerikan i filmit Ryan Reynolds gjeti kënaqësinë në botën tërheqëse të futbollit anglez në klubin e vogël të Uellsit, Wrexham, i cili falë famës së tij dhe serialit dokumentar fitoi njohje të madhe edhe jashtë kufijve anglezë apo britanikë.

Reynolds dëshiron të zhvillojë organikisht klubin dhe ta ndihmojë atë të ngjitet në strukturën e ligës së futbollit anglez, por për sa i përket ambicieve dhe vështirësisë së sfidës, ai sigurisht nuk mund të krahasohet me vëllezërit binjakë Tyler dhe Cameron Winklevoss, të cilët vendosën të hyjnë drejt futbollit nga fundi i ligës.

Vëllezërit janë themeluesit e platformës së tregtimit të kriptove 'Gemini' dhe konsiderohen si një nga përfaqësuesit e parë të industrisë së kriptove që kanë krijuar një pasuri shumë miliardë dollarëshe me bitcoin.

Dy amerikanët u lidhën me youtuberin Peter McCormack, i cili bleu një klub anonim futbolli anglez të quajtur Real Bedford FC në vitin 2021 dhe me marrjen e drejtimit, njoftoi në mënyrë madhështore se qëllimi i tij ishte të shihte Bedford në Premier League.

Klubi, i cili luan në ligën e nëntë të futbollit anglez, tashmë ka në krah mbështetjen kapitale, të cilën nuk e kanë as disa klube të Premier League. Vëllezërit Winklevoss hynë në strukturën e pronësisë së klubit së bashku me McCormack dhe investuan deri në 4.5 milionë dollarë në klub, që është sigurisht një shumë e madhe për një ekip të ligës së nëntë.

'Gemini' ka dy vite që sponsorizon Bedford City dhe me investimin kapital, klubi do të ndërtojë një qendër të re stërvitore, do të nisë akademinë e klubit dhe do të mbështesë të gjitha grupmoshat e meshkujve dhe femrave. Klubi njoftoi se fondet do të përdoren gjithashtu për 'përmbushjen e ambicieve afatgjata të klubit'.

"Ne ndajmë besimin e thellë të Peter në Bitcoin dhe aftësinë e tij për të sjellë Real Bedford FC në Premier League. Ne nuk po investojmë vetëm në një klub futbolli. Ne po investojmë në ëndrrën që Bedford të luajë në Premier League", tha Tyler Winklevoss.

Real Bedford FC ose RBFC aktualisht janë duke udhëhequr Divizionin Premier të Ligës së Futbollit Spartan South Midlands.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord që personat e së njëjtës gjini të martohen ligjërisht?



×

Lajmi i fundit

'Tipari i viteve '90 ishte destabilizimi', Meçaj për deklaratat e Escobar: Nuk e kishte për non-gratën e Berishës!

'Tipari i viteve '90 ishte destabilizimi', Meçaj për deklaratat e Escobar: Nuk e kishte për non-gratën e Berishës!