POP 5

Lajmet më të lexuara të 5 minutave të fundit

Kronikë

Skeda/ Konfliktet që nga viti 2018, sulmi ndaj hotel “Volorekës” dhe plagosja e djalit të biznesmenit nga ai i “të fortit të Pogradecit”

Skeda/ Konfliktet që nga viti 2018, sulmi ndaj hotel “Volorekës” dhe plagosja e djalit të biznesmenit nga ai i “të fortit të Pogradecit”

Johan Muçllari, Laert Haxhiu dhe Firdeus Berberi

Plagosja e Johan Muçllarit ndodhi më 25 prill 2022 në Pogradec, por konfliktet sipas hetimeve kishin nisur 4 vite para sulmit me thikë dhe armë. Që prej vitit 2018 mes grupeve kishte përplasje të vazhdueshme. Muçllari është njëkohësisht djali i hotel “Volorekës” në Pogradec, biznesmenit Jetmir Muçllari.

Këtij të fundit, anëtarët e grupit të Laert Haxhiut, ku bënte pjesë edhe autori i plagosjes Firdeus Berberi, i bënë disa herë atentat me armë zjarri, por pa të lënduar. Për ngjarjen janë nën akuzë edhe dy miqtë e Haxhiut, Anterio Kaloshi dhe Orest Bilbili, të dënuar edhe për masakrën e Lushnjës më 2017, me 2 të vrarë dhe 3 të plagosur, pas përplasjes me grupin e Aldo Bares.

Firdeus Berberi është djali i Ilir Berberit, i thirrur edhe si “Liri i Rushkës” dhe cilësuar si “i forti i Pogradecit”.

Policia e Pogradecit arrestoi atëkohë pas plagosjes së Muçllarit 5 persona të dyshuar. Në pranga ranë Fatjon Bono, Kristian Kresto, Hekuran Gjona, Ledion Shkullaku dhe Rudi Shaho, të cilët u akuzuan se ndihmuan. U bënë edhe disa sekuestrime, kurse në kërkim u shpallën Firdeus Berberi si autor dhe miku i tij Gersi Maxhari, si bashkëpunëtor në plagosjen e Muçllarit.

Atëkohë policia tha se në vitin 2018, Johan Muçllari është konfliktuar me Andrea Pilinçin, Meardi Berberin dhe Mariglen Topuzin. Më pas në 1 gusht 2019, atij (Muçllarit) i është djegur edhe një makinë. Në bazë të kamerave të sigursë, Johan Muçllari dhe babai i tij, Jetmiri kanë identifikuar se autor ka qenë Mariglen Topuzi, ndërsa personi tjetër që ishte me të kishte fytyrën e mbuluar dhe nuk është gjetur nga policia për zjarrvënien.

Jetmir Muçllari është thirrur 10 shkurt 2020 për të dëshmuar, por atij i është bërë bllokadë në gjykatë nga 30 veta, mes tyre Ilir Berberi. Ilir Berberi ose “Liri i Rushkës”, i cilësuar si “i forti” i Pogradecit, është djali i Firdeus Berberit. Mes të tjerëve që bënë bllokadë ishin edhe i biri 23-vjeçar, Meard Berberi (Korua) dhe Xhuljano Topuzi. Derisa në vitin 2022 erdhi edhe plagosja e Johan Muçllarit dhe sulmet me armë ndaj hotel “Volorekës”.


Lajmi kryesor:

U kap bashkë me Laert Haxhiun në Greqi, Interpoli sjell në pranga Firdeus Berberin! Plagosi djalin e biznesmenit në vitin 2022 në Pogradec
A.Q/Shqiptarja.com
  • Sondazhi i ditës:

    Ngjarjet e fundit në vend ju shqetësojnë për nivelin e sigurisë?

Lajme të tjera



×

Lajmi i fundit

Jahti i mbytur në Siçili, gjenden 2 trupa, njëri prej tyre është I një burri! Mes 6 të zhdukurve manjati britanik Mike Lynch dhe e bija

Jahti i mbytur në Siçili, gjenden 2 trupa, njëri prej tyre është I një burri! Mes 6 të zhdukurve manjati britanik Mike Lynch dhe e bija

21 Gusht, 16:04