POP 5

Lajmet më të lexuara të 5 minutave të fundit

VIP & Spektakël

Historia e konfliktit Rita Ora-Dua Lipa, zbulohen arsyet e mosmarrëveshjes së dy artisteve shqiptare

Të dyja janë shqiptare dhe të dyja janë shumë të famshme për zërin dhe për suksesin e tyre. Mirëpo Dua Lipa dhe Rita Ora nuk flasin me njëra-tjetrën dhe mendohet se nuk do t’i shohim bashkë ndonjëherë.
Historia e konfliktit Rita Ora-Dua Lipa, zbulohen arsyet e mosmarrëveshjes së dy artisteve shqiptare

Dy këngëtaret shqiptare Rita Ora dhe Dua Lipa

Është folur dhe stërfolur kaq shumë herë për konfliktin që ekziston mes dy këngëtareve me origjinë shqiptare. Mënyra se si Dua Lipa dhe Rita Ora e shmangin njëra-tjetrën edhe nëpër evente tregon se bëhet fjalë për diçka serioze.

Pikërisht për këtë çështje “The sun” i ka kushtuar një artikull dy këngëtarëve shqiptare të cilat janë të lindura në Prishtinë, Dua Lipa dhe Rita Ora. Tabloidi britanik shkruan se Rita dhe Dua njihen edhe familjarisht, dhe janë shkolluar në të njëjtën shkollë “Sylvia Young Theatre School”. Gjithashtu kanë edhe shoqëri të shumtë të përbashkët.

Sipas të njëjtave burime, thonë se këngëtaret janë përfshirë në një ‘sherr’ të heshtur, pasi Dua i zuri vendin Ritës në reklamën e Adidas. Për më tepër “The sun” shkruan se në fillimet e karrierës si këngëtare Dua ka bërë përpjekje që të hyjë në industri po është anashkaluar nga motra e Ritës, Elena, e cila punon për një kompani të menaxhimit të muzikës. Dyshohet se kjo e fundit kishte frikë se Lipa do t’i ‘vidhte’ kurorën Orës.

Megjithatë publikisht vazja nuk pranojnë asgjë. "Prindërit tanë e njohin njëri-tjetrin, dhe unë e njoh  motrën e Ritës,"- ka thënë Dua kur është pyetur për kolegen e saj në fjalë. Një burim tjetër thotë për “The sun” se me shumë mundësi dy shqiptaret s’do t’i shohim ndonjëherë së bashku pasi e ruajnë shumë inatin që daton prej vitesh.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Raporti: Kina dhe Izraeli kryesojnë vendet që burgosin gazetarët

Raporti: Kina dhe Izraeli kryesojnë vendet që burgosin gazetarët

22 Janar, 20:10