X

POP 5

Lajmet më të lexuara të 5 minutave të fundit

Sociale

Drejt Punës

Historia frymëzuese e Kol Palokës nga Mirdita! Aksidenti tragjik e verboi që 30 vjeç, për 52 vite ‘luftoi’ errësirën dhe vijon punon

Një 82-vjeçar nga Mirdita, është dëshmi e gjallë se si dëshira për jetën dhe për të mos u dorëzuar përballë të papriturave  nuk e ktheu kurrë në dëshpërim. Kol Palokës i është dashur të luftojë me errësirën që në moshën 30-vjeçare kur humbi shikimin.

“Isha duke bërë 30 vjeç, pa bërë 30 vjeç, 3 muaj martesë. Falë gruas, familjes që kam jam ky që jam sot”.

Kol Paloka ishte 30-vjeç, i sapomartuar kur humbi përgjithmonë shikimin. Asokohe punonte në gjeologji-miniera dhe aksidentalisht shpërthyen minat duke mbetur i plagosur bashkë me shokun e punës.

“E kam humbur në 69’ më 13 mars. Krisi pushka atje në kulmi. Hapi sinjal ai atje, la koteren hapur, 95 kapsolla. Kur hapi sinjalin atje në pyll shkëndijat e fitilit i ranë në kapsolla dhe i kanë plasur. 100 kapsolla një e kishte në dorë, ai këputi dorën, nxorri njërin sy, mua më kapi dy sy dhe u shtriva aty i përgjakur.”- u shpreh 82-vjeçari.

Mbështetja kryesore ka qenë, bashkëshortja Dava, e cila nuk e braktisi dhe sot janë gjyshër me nipa e mbesa.

“Më kanë thënë plot njerëz: 'Lëre. Nuk sheh ai dhe lëre'- por kam thënë: 'Jo. Unë me këtë kam vazhduar jetën, si të jetë mirë si të jetë keq është fati im'. Edhe kam vazhduar jetën, më ka falur zoti fëmijët. I kam rritur bashkë me të.”- tha bashkëshortja e të moshuarit.

Historia e Kolë Palokës nga Rubiku i Mirditës është frymëzuese dhe njëherësh e pabesueshme.

“Ka qenë rrugë, shelgu 10m i lartë. Kam marrë dorashka i preva me gërshërë hardhishë ferrat, kam djegur ferrat. Kam marrë sharrën i kam prerë ato argatë që kam bërë shtjella rrushi. Kam marrë varrenë në pikat e hekurit dhe i kam shkulur me rrënjë. I kam bërë të gjitha vetë me duart e mia, pa ndihmën e askujt.”- tregoi Kola.

Sot në moshën 82-vjeçare vazhdon të kujdeset për vreshtin me rrush dhe pemët e tjera që ka mbjellë në bahçen e shtëpisë.

“Eci si në formë harte e fus në plan dhe nuk mërzitem fare. Jam mësuar për bukuri ka mundësi të bëhem 100 vjeç”- tha 82-vjeçari.

Kur ke dëshirë, çdo gjë është e mundur, na tregon ai.

“Po i vë penj gjilpërës”- tregoi Kol Paloka.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Haxhi: 22/10/2022 20:06

    Khgkk

    Përgjigju
  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Galdini zbërthen skemën: Meta me anti-nepotizmin po i jep përgjigje Berishës! Muça: Po i jargavitet doktorit

Galdini zbërthen skemën: Meta me anti-nepotizmin po i jep përgjigje Berishës! Muça: Po i jargavitet doktorit

23 Prill, 22:25