Pas deklaratës së ministrit të Jashtëm grek Nikos Kotzias që ligji i luftës mes Greqisë dhe Shqipërisë duhet të hiqet pasi është marrëzi, ka reaguar  historiani Arben Llalla.  Ai ka publikuar dokumentin që sipas tij vërtetojnë se Shqipëria dhe Greqia janë në luftë.

Sipas tij, Greqia i ka shpallur luftë Shqipërisë dy herë, njëherë gjatë luftës së dytë botërore dhe njëherë 20 vite vonë kur Shqipëria ishte nën diktaturën komuniste.

STATUSI I Arben Llallës
Grekët dhe shqiptarët dy popuj miq, por që janë në luftë me njeri-tjetrin zyrtarisht. Shkresa e më poshtme tregon qartë që Greqia i ka shpallur Luftë Shqipërisë dy herë, më 1940 dhe 1966.

Përkthimi i Shkresës

Republika e Greqisë

Ministria e Punëve të Jashtme

E3 DIDDY

F. 237/269

NOTË VERBALE

Ministria e Punëve të Jashtme e Republikës së Greqisë i paraqet mirënjohje Ambasadës së Republikës së Shqipërisë dhe duke ju referuar shënimit të Ambasadës Nr. Prot. 131, datë 18.6.1999 ka nderin të informojë Ambasadës e nderuar që Ligjet greke, Nr. 2636/1940 dhe 4506/1966 janë akoma në fuqi.

Ministria e Punëve të Jashtme e Republikës së Greqisë përfiton nga rasti për t’i shprehur Ambasadës së Republikës së Shqipërisë konsideratat më të larta.

Athinë, 28 Qershor 1999

Dërguar Ambasadës së Republikës së Shqipërisë

Athinë (VULA e Ministrisë së Punëve të Jashtme të Greqisë)

Arben Llalla
Arben Llalla
d.b/shqiptarja.com