POP 5

Lajmet më të lexuara të 5 minutave të fundit

Kosova & Rajoni

Historiani serb Mihaljçiç: Serbët
të ardhur, shqiptarët autoktonë

Në tekstet shkollore të nxënësve shqiptarë në Luginën e Preshevës shpjegohet qartë se janë të lashtë dhe autoktonë. Ndërsa për serbët thuhet se janë të ardhur. Hartuesi i këtij teksti është një historian serb, Rade Mihaljçiç.
PRESHEVË - Në tekstet shkollore të nxënësve shqiptarë në Luginën e Preshevës, ku flitet mbi historinë dhe origjinën e shqiptarëve në Ballkan, shpjegohet qartë se janë të lashtë dhe autoktonë. Ndërsa për serbët thuhet se janë të ardhur. Në fakt, nëse prisni që libri të ketë si autorë një shqiptar gaboheni, pasi hartuesi i këtij teksti është pikërisht një historian serb (Rade Mihaljçiç) dhe libri është shtypur nga Instituti për tekstet në Beograd.

Në tekstin shkollor të historisë së klasës së gjashtë shkruhet: “Shqiptarët janë popull i lashtë dhe autokton në Ballkan, kurse serbët janë të ardhur nga lindja…”Dhe kjo fjali ka bërë nervozë disa historianë dhe media serbe, të cilët librin e autorit serb Mihaljçiç  e kanë konsideruar “skandaloz”  (“Slandalozno: Srpski udžbenik iz istorije: Albanci su starosedeoci a Srbi došljaci na Balkan!”) dhe ky libër i historisë serbe për klasat e gjashta ka ngjallur reagime dhe polemika të ashpra", shkruan agjencia e lajmeve “Presheva jonë”.

historia
Me kalimin e kohës duket se edhe vetë serbët po binden gradualisht me realitetin historik, pavarësisht se disa ende nuk pajtohen me faktin se janë popull i ardhur në Ballkan. Më konkretisht, autori Mihaljçiç ka shkruar se "serbët janë me prejardhje nga vendet e Lindjes".

Për këtë ka reaguar prof. Slobodan Antoniç me një shkrim me titull “Vetëurryesit”,  duke akuzuar autorin herë tradhtar e herë mosnjohjes i mirë i historisë. “Autori serb është marrë në këtë tekst shkollor më shumë me politikën ditore se sa me "të vërtetën historike’”. Antoniç, duke kritikuar autorin e njohur serb për tekstet shkollore nënvizon: “Pas leximit të këtij libri, për të cilin unë nuk jam i sigurt, meqë e di mirë historinë mesjetare serbe. E gjithë kjo nuk është e qartë mjaftueshëm për akademik individual serb, siç është rasti me Mihaljin. Kush kujdeset për hartën e Evropës nga viti 814, vit në të cilën ajo është e qartë për shtetin serb në Ballkan, që kufizohet me Armeninë dhe Azerbajxhanin dhe tani nuk mund të kuptojmë këtë deklaratë në tekstin mësimor për klasën e gjashtë”, thotë Antoniç.

Redaksia Online
(mag/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako