Ish- menaxheri i Bayern Munich, Omar Hitzfeld, ka zbuluar se kampionët e Bundesligës janë duke monitoruar progresin e mesfushortit të Arsenalit dhe është i sigurt që drejt mesfushorit shqiptar shumë shpejt mund të shkojë një ofertë.
"Xhaka është gjithmonë një temë e bisedës për klubet e tanishme të nivelit të lartë edhe pse zhvillimi i tij ende nuk ka përfunduar. Bayern me siguri e ka në radar", është shprhur Hitzfeld për "SportBild".
Kampionët e Bundesligës gjatë kësaj vere do të jenë në kërkim të një mesfushori qendror pasi Xabi Alonso deklaroi se do të tërhiqej.
Ndërkohë që në stolin e bavarezëve është Renato Sanches dhe Joshua Kimmich, duket sikur Ancelotti preferon të marrë shërbimet e mefushorit të Arsenalit për të zëvendësuar një prej yjeve të formacionit të tij.
Xhaka u transferua gjatë verës së kaluar nga Borussia Monchengladbach drejt Arsenalit në bazë të një marrëveshjeje e cila vlente 35 milion paund dhe gjatë kësaj kohe padyshim që vlera e kartoni të tij është rritur.
Redaksia Online
D.T/Shqiptarja.com