Hodhi mbetje ushqimore në rrugë, arrestohet administratori i një firme në Durrës

Mbetjet e hedhura nga administratori i firmës

Një 52-vjeçar nga Durrësi është arrestuar nga policia pasi akuzohet për ndotje të ajrit. Policia thotë se administratori i një firme private, shtetasi R.D është konstatuar duke hedhur një sasi të konsiderueshme me mbetje ushqimore, në lagjen nr. 14, Durrës, duke shkaktuar ndotje të ajrit.

Materialet në ngarkim të shtetasit R. D. i kaluan Prokurorisë së Rrethit Gjyqësor Durrës, për veprime të mëtejshme.

Situata e hedhjes së mbeturinave në Durrës u kthye në një shqetësim për banorët, pas mbylljes së vend-grumbullimit të mbeturinave në Porto Romano. Për shkak të kostos së papërballueshme për t'i çuar mbeturinat në Sharrë, Bashkia Durrës vendosi t'i dërgonte në Manëz.

Ndërkohë vetëm ditën e djeshme u arrit një marrëveshje provizore që mbetjet të dërgohen në Sharrë.

/I.K./Shqiptarja.com
  • Sondazhi i ditës:

    Turizmi/A jeni të kënaqur me shërbimet dhe çmimet që gjeni në zonat turistike?

Komento


×

Lajmi i fundit

John

‘Shumica kanë qenë në gjumë kur ka ndodhur aksidenti’, Kurti flet nga spitali ku po trajtohen të plagosurit në Kroaci