Ambasadori gjerman në vendin tonë, Hellmut Hoffman ka deklaruar nga qyteti i Cerrikut se Shqipëria ka shumë problemeve varfërinë dhe se sado që Gjermani e mbështet, janë shqiptarët ata që duhet të ndihmojnë veten e tyre.

Hoffman teksa ka marrë pjesë në inaugurimin e Qendrës Ditore në këtë qytet, ka shtuar se, bizneset vendase janë ende jo të fuqishme.
Sipas tij, janë bërë përpjekje por jo aq sa duhet për fuqizimin e tyre.

Shembujt e mirë të sjella nga  ndërkombëtarët, ka thënë Hoffman duhet që të kopjohen nga shqiptarët.

“Ulja e varfërisë, arsimimi profesional dhe përfshirja sociale janë objektiva të rëndësishme bashkë me sfidat e qeverisë” ka shtuar ai.

Qendra Ditore në Cerrik tashmë ka një Sistemit Fotovoltaik dhe Sistem ngrohje gjë që është mundësuar me financim të Qeverisë Gjermane,  ndërsa Tetraco Company ka financuar instalimin e dy sistemeve moderne dhe është një mundësi konkrete për  ofrimin e shërbimeve mbështetëse në komunitet për fëmijët dhe të rinjtë.

Në këtë event merrnin  pjesë George FRENDO, President i Caritas Shqiptar,  Hellmut Hoffmann, Ambasadori i Republikës së Gjermanisë në Shqipëri,  Ing. Victor Sciberra,  Drejtor Ekzekutiv i Tektraco si dhe personalitete të tjera të pushtetit vendor nga Bashkia Cerrik dhe Qarku Elbasan.

Redaksia Online
(F.T/shqiptarja.com)