Mediat e huaja raportuan sot se Holanda ka dëbuar dy pjesëtarë të stafit të ambasadës iraniane në Amsterdam. Shërbimet e inteligjencës në Holandë konfirmuan lajmin, por nuk dhanë asnjë arsye në lidhje me shkaqet e këtij vendimi.
Ngjarja ka ndodhur më 7 Qershor, por është mbajtur e fshehtë përreth një muaj, ndërsa po sot kanë reaguar për herë të parë edhe zyrtarët iranianë.
Ata e kanë cilësuar dëbimin e diplomatëve të tyre, si një tentativë për të dëmtuar përpjekjet për shpëtimin e marrëveshjes bërthamore, të firmosur më 2015-ën.
Deklarata i referohej marrëveshjes shumëkombëshe nën të cilën sanksionet mbi Iranin u hoqën në këmbim të kufizimit të programit të tij bërthamor, të verifikuar nga Agjencia Ndërkombëtare e Energjisë Atomike.
Shtetet e Bashkuara të Amerikës vendosët të tërhiqen nga kjo marrëveshje në muajin maj, pasi sipas Donald Trump, ajo ishte shumë e keqe për vendin.
Lajme të tjera
-
Polonia e dobët përballë Holandës, Franca merr fitoren e parë në Ligën e Kombeve
22 Shtator 2022, 22:47 -
Lufta ndaj COVID-19, Danimarka, Holanda dhe Gjermania zgjasin shterrethimet
13 Janar 2021, 15:09 -
S’ka surpriza në Ligën e Kombeve, ‘paqe’ në Itali-Holandë! Kosova ndan pikët me Greqinë (VIDEO-Golat)
15 Tetor 2020, 11:57
