POP 5

Lajmet më të lexuara të 5 minutave të fundit

Bota

Hong Kong, 'Time to calm down' në prag të zgjedhjeve lokale (FOTO)

Një qetësi e pakëndshme ka rënë mbi Hong Kong sot, ndërsa qyteti po përgatitet të shkojë nesër në zgjedhjet lokale. Votimet e ditës së nesërme shihen si një referendum pas disa muajsh protesta antiqeveritare, pas disa javësh përleshjesh veçanërisht të dhunshme midis policisë dhe demonstruesve

Hong Kong, 'Time to calm down' në prag të zgjedhjeve lokale (FOTO)

Një qetësi e pakëndshme ka rënë mbi Hong Kong sot, ndërsa qyteti po përgatitet të shkojë nesër në zgjedhjet lokale.

Votimet e ditës së nesërme shihen si një referendum pas disa muajsh protesta antiqeveritare, pas disa javësh përleshjesh veçanërisht të dhunshme midis policisë dhe demonstruesve.

Në Universitetin Politeknik qëndrojnë ende një numër i vogël protestuesish që kërkojnë dëshpërimisht një rrugëdalje teksa të tjerët e dorëzuar janë arrestuar nga policia.

Protestat në ish koloninë britanike nisën në muajin qershor, fillimisht për të kundërshtuar ligjin e ekstradimit në Kinë të të dënuarve por që u shndërruan në lëvizje në mbrojtjes së lirisë dhe demokracisë.

Senati amerikan ka votuar unanimisht në mbështetje të të drejtave të njeriut dhe demokracisë në Hong Kong dhe kundër shtypjes nga ana e Pekinit të lëvizjes protestuese.

Ligjvënësit amerikan miratuan gjithashtu një ligj që ndalon shitjen e gazit lotsjellës, plumbave të gomës dhe pajisjeve të tjera të përdorura nga forcat e sigurisë për të shtypur protestat që kanë tronditur ish-koloninë britanike për muaj të tërë.

Por përgjigjja e Pekinit nuk ka vonuar. Kina ka sulmuar votën unanime të Senatit amerikan, i cili miratoi 'Aktin e të Drejtave të Njeriut dhe Demokracisë së Hong Kongut', dhe përmes Zëdhënësit të Ministrisë së Jashtme ka kërcënuar me hakmarrje të pa specifikuar.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50