Hoqën pulat e ngordhur pas denoncimit në media, përgjegjësi i veterinarisë Lezhë: E bëtë alarmante, gjetëm vetëm 4 shpendë të dekompozuar (të tjerët i kishin ngrënë qentë)

Institucionet e Lezhës shkuan të hiqnin shpendët e ngordhur në bregdetin e Ranës së Hedhun pas denoncimit në media, ndërsa për përgjegjësin e sektorit të veterinarisë dhe mbrojtjes së bimëve Lezhë, situata u bë alarmante pa arsye. Për mediat, Dedë Rama pranoi se informacionin e kishin marrë nga mediat, teksa shton se në vendngjarje ishin gjetur vetëm 4 shpendë të dekompozuar.

"Informacioni na erdhi nga media. U krijua gjendje alarmante. U gjetën vetëm 4 pula qe nuk ka lidhje me fermerët e Lezhës. Kemi thirrur institucione të tjerë të bashkisë. Shpendët ishin të dekompozuara", tha ai.

Bëhet me dije se në bregdet shpendët e ngordhur janë konstatuar që dje, ndërsa sot u gjetën 5 shpendë, por rezulton se kanë qenë më shumë, pasi disa i kanë ngrënë qentë një ditë më parë.

Lajmi kryesor:

VIDEO/ Gjenden pula të ngordhura në bregdetin e Ranës së Hedhun në Shëngjin! Shpendët e dekompozuar, institucionet i heqin pas denoncimit në media dhe dezinfektojnë zonën

TAG:
• gripi i shpendëve
• rana e hedhun
• Shengjin
• Lezhe