Houthis sulmojnë anijen-çisternë të Britanisë në Gjirin e Adenit

Grupi Houthis nga Jemeni ka goditur me raketë një anije-çisternë dhe ishte në juridiksionin e Mbretërisë së Bashkuar.

Lëvizja e mbështetur nga Irani, me bazë në Jemen, tha se kishte në shënjestër “Marlin Luanda “ të premten në përgjigje të "agresionit amerikano-britanik".

SHBA dhe Britania e Madhe kanë nisur sulme ajrore ndaj objektivave Houthi në përgjigje të sulmeve ndaj anijeve në rajonin e Detit të Kuq.

Anijet detare franceze, indiane dhe amerikane i dhanë ndihmë anijes britanike.

Sekretari i Mbrojtjes i Mbretërisë së Bashkuar, Grant Shapps e quajti sulmin "të patolerueshëm dhe të paligjshëm".

"Është detyra jonë të mbrojmë lirinë e lundrimit në Detin e Kuq dhe ne mbetemi të përkushtuar ndaj kësaj kauze si kurrë më parë," tha ai në "X".

Lajmi kryesor:

Lufta/ SHBA godet Houthi-n pasi raketat e tyre vunë në shënjestër luftanijen amerikane! ShBA, Kanada, Finlanda, Australia, Italia dhe MB pezullojnë fondet për UNRWA

K.M/Shqiptarja.com

TAG:
• Houthi
• lufta ne rripin e gazes
• Izrael