Tiranë- Anëtari i Gjykatës së Lartë Darjel Sina ka humbur jetën ditën e sotme, pasi vuante nga një sëmundje e rëndë. Sipas burimeve të Report Tv, 45- vjeçari, vuante prej kohësh nga tumori. Sina humbi jetën në intubim tek QSUT, ndërsa ka qenë për t'u mjekuar më herët edhe në Europë, në shtete si Danimarka, Italia dhe Dubai.
Pas ishte kthyer nga jashtë, ai u shtrua në QSUT dhe kishte 3 ditë që qëndronte atje, para se të humbte jetën ditën e sotme. Anëtari i Gjykatës së Lartë, pezulloi detyrën për shkak të sëmundjes së rëndë duke dhënë dorëheqjen.
Nesër (e Hënë, 18 Nëntor), do mbahen homazhet në Këshillin e Lartë Gjyqësor, të organizuara bashkë me familjen, nga ora 09:00-12:00, dhe më pas ceremonia e përcjelljes në varrezat e Sharrës
Përmes një njoftimi edhe Gjykata e Lartë ka shprehur ngushëllime për ndarjen nga jeta të Sinës.
'Me trishtim të thellë, njoftojmë ndarjen nga jeta të anëtarit të Gjykatës së Lartë, z. Darjel Sina. Z. Sina i’u bashkua trupës së gjyqtarëve të Gjykatës së Lartë në prill të vitit 2022, dhe vinte në këtë detyrë pas një eksperience të gjatë dhe kontributi të rëndësishëm në fushën e së drejtës. Ndarja e tij nga jeta krijon një boshllëk të madh për të gjithë ata që e njohën dhe punuan me të. Në këto momente të vështira, shprehim ngushëllimet tona më të sinqerta për familjen dhe të dashurit e tij. Jemi pranë jush me zemër dhe mendje', thuhet në një njoftim të Gjykatës së Lartë.
Darjel Sina ka përfunduar studimet e postdoktoraturës në Universitetin e Zyrihut në Zvicër, me bursën Federale Zvicerane të Ekselencës në fushën e së Drejtës Kushtetuese dhe Bankare. Sina ka përfunduar studimet e tij në doktoraturë, master i arteve dhe bachelor në Universitetin Kombëtar të Athinës/Fakulteti Juridik. Ai mban titullin akademik Profesor i Asociuar që nga maji i vitit 2014. Eksperienca e fundit e punës së gjyqtarit Sina ka qenë Komisioner Publik pranë Institucionit të Komisionerit Publik dhe më përpara Shef i Departamentit të Drejtësisë në Universitetin e Nju-Jorkut, në Tiranë.
Në nëntor të vitit 2021, Sina është përzgjedhur nga Departamenti Amerikan i Shtetit për të përfaqësuar shtetin shqiptar në programin International Visitor Leadership Program me tematikë Rule of Laë and the U.S. Judicial System, i organizuar nga Graduate School USA.
Sina ka punuar si studiues në Universitetin e Zyrihut dhe përpara kësaj eksperience ka punuar Dekan pranë Fakultetit të Drejtësisë, në Universitetin Luarasi, në Universitetin Evropian të Tiranës si Profesor dhe përpara kësaj eksperience ka qënë i punësuar si asistent Profesor në Universitetin Kombëtar të Athinës, nën drejtimin e Profesor Andreas Dimitropoulos. Pas diplomimit ka punuar për shumë vite asistent avokat në Athinë, Greqi.
Lajmërimi për humbjen e jetës dhe ceremoninë e varrimit të gjyqtarit Darjel Sina
Humbja e papritur e jetës së magjistratit të Gjykatës së Lartë, Darjel Sina, ka tronditur familjarë, kolegë dhe miq. Për t’i bërë nderimet e fundit janë menduar edhe homazhet ceremoniale zyrtare.
“Për t’i dhënë lamtumirën gjyqtarit të ndjerë Darjel Sina, homazhet do të zhvillohen në ambientet e Këshillit të Lartë Gjyqësor, ditën e hënë, nga ora 09:00-12:00, prej nga do të përcillet trupi për në Varrezat e Sharrës”, bëhet me dije.
Ky njoftim bëhet nga Familja dhe kolegët e gjyqtarit Sina, i cili u nda nga jeta pas betejës me sëmundjen e rëndë nga e cila vuante.
Komente
Lajme të tjera
-
Përplasja për mandatin e Zaçajt, Logu në Report Tv: Ka prapavijë politike, grusht shteti! Kara: E nxitur nga Berisha! Avokati: PS-PD janë bërë bashkë
13 Dhjetor, 18:30 -
Berisha nuk heq dorë nga skenaret e dhunës, nxit emigrantët: Gjuani me vezë dhe domate punonjësit e ambasadave shqiptare
13 Dhjetor, 14:13 -
Tërhiqet Zaçaj, kërkon deklarimin e përfundimit të mandatit, s’ka vendim në Mbledhjen e Gjyqtarëve! Sulmon Gjykatën e Lartë: Tejkaloi kompetencat, e paprecedentë
12 Dhjetor, 17:57 -
Gjykata e Lartë rrëzon rekursin e Klemend Balilit, lë në fuqi dënimin me 10 vite burg
12 Dhjetor, 14:48
-
A e mjekoi Berishën mjeku psikiatër Ulvi Vehbiu? Ish-punonjësi: Sa herë kishin probleme me të i thoshin, profesor merru me Salën
12 Dhjetor, 11:41 -
Kreshnik Spahiu: Pse janë bashkuar qeveri-opozitë, për heqjen e Kryetares Gjykatës Kushtetuese?
11 Dhjetor, 14:40
-
Gjykata Kushtetuese/ Kryetarja Holta Zaçaj refuzon të lërë mandatin, i drejtohet Venecias, Gjykata e Lartë nis procedurat e zëvendësimit të saj
11 Dhjetor, 09:13 -
I përfundon mandati si gjyqtare e Kushtetueses në 10 mars? Reagon Holta Zaçaj: Jo, do të qëndroj deri në fund të 2025! I drejtohem Venecias, respektoni pavarësinë
10 Dhjetor, 13:32
-
I dënuari 73-vjeçar vdes në QSUT (EMRI)
9 Dhjetor, 21:04 -
Holta Zaçaj drejt largimit nga Kushtetuesja, gara për pasuesin më 10 dhjetor! Gjykata e Lartë: Të deklarohet vakanca
7 Dhjetor, 14:03
-
Afera 'Partizani'/ Lihet në fuqi arresti shtëpiak, Gjykata Kushtetuese rrëzon Jamarbër Malltezin
5 Dhjetor, 18:31 -
Më shumë lekë për para e tetraplegjikët, rritet pagesa për paketën higjieno-sanitare! Nga 16 në 20 mijë lekë! Mbështetje edhe për kujdestarët
4 Dhjetor, 17:16
Ngushellime families, prinderve , dhe gjithe te dashurve Qofte I parajses
PërgjigjuMe te miret ikin, gjynah.
Përgjigju